Klassíker: Leyndarmál Longoríu

Tweet

Bjöllubarnið Klitschko

Tweet

Leikkonan léttfætta Hayden Panettiere og hnefaleikakappinn Wladimir Klitschko eiga von á barni mjög fljótlega. Skemmst er frá því segja að Klitschko er aðeins hærri en unnustan, sem er frekar stutt í annan endann.

Viðbjóðsvefurinn TMZ birti í gær bumbumyndir af henni Hayden litlu. Hún geislar af fegurð eins og allar konur sem ganga með börn, en við getum ekki annað en haft áhyggjur af því hvernig hún á að koma þessu stykki sem hún gengur með í heiminn.

Barnið verður á stærð við Volkswagen bjöllu!

Við óskum parinu að sjálfssögðu allrar lukku í barnastandinu, en okkur sýnist þetta barn eiga eftir að ógna henni Toyotu litlu Ming í stærð ef eitthvað er. Hvað ætli Toyota sé orðin hávaxin í dag?

Einmitt

Tweet

Orð eru óþörf

Tweet

Michelle Rodriguez var bláedrú á körfuboltaleik

Tweet

What can you do?

Tweet

Það er grábölvað að verða vitni að því að Lamar Odom sé ekki aðeins orðinn leiður á körfubolta, heldur lífinu öllu eins og það leggur sig.

Hluta af ógæfunni er reyndar hægt að skrifa á hann sjálfan. Hvaða heilvita maður haldið þið að taki saman við (athygli, vændiskona) úr Kardashian-fjölskyldunni? Og verandi þunglyndur fyrir.

Okkur brá þegar við sáum nýjustu myndirnar af Lamar karlinum. Það er eins og hann hafi horast og sé hálf tekinn í framan. Sagan segir að hann hafi verið að taka á því í fíkniefnadeildinni. Það er hraðbraut til helvítis.

Einn af sölumönnum dauðans heldur því fram að Odom hafi mokað kóki fyrir sex milljónir króna í ranann á sér á þremur árum.

Dónalegt að segja það, en útlitið á Odom minnti okkur dálítið á enska miðjumanninn Paul Gascoigne þegar hann horaðist upp í neysluköstunum sínum.

Neyslukast er ekki alvöru orð, en við finnum ekkert betra til að lýsa veikindum Gazza. Hann tekur fíkn og misnotkun á svo miklu hærra plan en venjulegir fíklar og alkohólistar.

Gazza gæti fyrirvaralaust byrjað að misnota bláan Ópal eða brokkolí. Hann er það veikur einstaklingur.

Eins og áður sagði, er því haldið fram að Odom sé búinn að vera í kókaínneyslu í allt að þrjú ár.

Besta dæmið því til stuðnings er að framherjinn drullaði einmitt gjörsamlega í buxurnar sem leikmaður á svipuðum tíma og meint neysla hans á að hafa byrjað.

Odom átti frábært tímabil árið 2010-11 sem var hans síðasta með Los Angeles Lakers, en þegar honum var svo skyndilega skipt til Dallas, hrundi tilvera hans á einu bretti og ástríða hans fyrir körfubolta sömuleiðis. Þessi gæðaleikmaður varð skyndilega labbakútur.

Síðan hefur heldur hallað undan fæti hjá vini okkar, sem er nú bókstaflega kominn í ruglið er marka má fréttir af eiturlyfjaneyslu hans, þunglyndi og Kardashian-raunum.

Þetta er leiðindamál, því Odom er góður strákur. Við vitnum því bara í Tony Soprano:

"Hvað getur maður svo sem gert?"

Brad Pitt spilaði körfubolta

Tweet

Garnett og fjölskylda í afmæli

Tweet

Það er ekkert slor að vera frægur. Það þýðir að séu góðar líkur á því að annað frægt fólk bjóði þér í afmælisveislur barnanna sinna.

Þannig var það í Malibu í Kaliforníu um helgina þegar haldið var upp á fimm ára afmæli Levi McConaughey, sonar hjartaknúsarans og Hollywood-leikarans Matthew McConaughey. Meðal þeirra sem mættu í geimið voru Óskarsverðlaunahafinn Sandra Bullock og Garnett-fjölskyldan.

Kevin Garnett, sem nýverið gekk í raðir Brooklyn Nets, er nágranni McConaughey og á dóttur á svipuðum aldri og leikarinn tungulipri. Garnett hefur búið í Malibu á sumrin í meira en áratug.

Rodman skellti sér út á borða á Suðurströnd

Tweet

Dennis Rodman er fullkomlega eðlilegur náungi sem forðast athyglina eins og sjá má á klæðaburði hans og... sérhannaðri Hummer-bifreið hans.

Frákastakóngurinn brá sér út að borða á veitingastaðnum Prime 112 á Suðurströnd (Miami) fyrir skömmu og Papparassarnir voru að sjálfssögðu á svæðinu. Við gátum ekki annað en birt afraksturinn. Þetta er nú einu sinni Denni Dæmalausi.

Austur eða vestur?

Tweet

Hvort ertu meira fyrir austur- eða vesturstrandarbolta?
Það þarf ekki endilega að vera flókið að velja, *hóst*

Chris Tucker sást á körfuboltaleik

Tweet

Chris Tucker lét sig ekki vanta á leik í úrslitakeppninni í NBA.

Þessi gleymdi leikari er líka örugglega löngu búinn að gleyma því að hann hafi farið á leik, ef hann fattaði það yfir höfuð að hann væri á leik.

 Leit dálítið út fyrir að hafa drukkið lásasprey og bremsuvökva til að koma sér í gírinn.

Jackie Chan var hvergi sjáanlegur.

Talið er að Tucker hafi étið hann.