Traffík í Heiðurshöllinni

Tweet

Alltaf verið að moka fleirum og fleirum inn í Heiðurshöllina góðu. Í nótt fór slatti af liði þar inn, bæði konur og karlar. Þeir sem vöktu mesta athygli hjá okkur voru þeir Mitch Richmond, Alonzo Mourning, Sarunas Marciulionis, David Stern og Nat heitinn "Sweetwater" Clifton.

Það eru einmitt leikmenn eins og Mitch Richmond sem vekja reglulega upp harðar deilur um kríteríuna sem ræður því hverjir komast inn í Heiðurshöllina og hverjir ekki. Þeim fer reyndar ört fækkandi, leikmönnunum sem komast ekki inn að mati þeirra sem harðast gagnrýna regluverkið í Springfield. Menn fara ólíkt að við að dæma ævistarf karla, kvenna, Kana, útlendinga, leikmanna og þjálfara.

Og svo er það stærsta spurningin. Á að taka menn inn í Heiðurshöllina fyrir að vinna körfuboltaleiki eða fyrir að búa til feita tölfræði?

Chris Mullin er svalari en pabbi þinn

Tweet

Heiðurshallarmeðlimurinn og stórskyttan Chris Mullin hoppaði inn í þriggja stiga skotkeppni sem haldin var í æfingahúsnæði Sacramento Kings á dögunum. Skemmst er frá því að segja að hinn fimmtugi Mullin rúllaði þessu upp eins og við var að búast.

Hitti ekki nema 14 af 15 skotum reyndar.

Gaman að sjá skotið inn í þetta stuttum viðtölum við tvo af núverandi leikmönnum Kings og þá heyrum við líka aðeins í Mitch Richmond, fyrrum leikmanni Kings sem kallaði ekki allt ömmu sína í greininni. Dásamlega skemmtilegt að sjá svona.

Chris Mullin hefur verið til í hálfa öld

Tweet

Draumaliðsmaðurinn broddaklippti Chris Mullin varð fimmtugur í gær eins og karfan.is/Ruslið greindu frá. Því þótti okkur upplagt að henda hér inn nokkrum skemmtilegum myndum af kappanum, sem einhverjar fengu að líta dagsins ljós í liðnum okkar Mullin-mars á sínum tíma. Til hamingju með daginn, Mully.

Mullin Mars

Tweet