Handboltatroðsla Willie Cauley-Stein

Tweet

Rólegur DeAndre

Tweet

Troðslur mánaðarins

Tweet

Hérna eru nokkrar af flottustu troðslum janúarmánaðar í NBA deildinni - nokkrar þeirra sannkallaðar andlitsmeðferðir. Þarna sjáið þið m.a. handboltatroðslu frá Blake Griffin yfir Kris Humphries og troðkeppnitroðsluna hans Paul George.

Biðjum ykkur að afsaka léleg myndgæði, en þið vitið að þið getið fundið stök eintök af hverri troðslu fyrir sig í betri gæðum á youtube.

Viðstöðulaus handboltatroðsla frá JaVale

Tweet

Sagt er að gamli dísellyftarinn Andre Miller hjá Denver sé besti sirkussendingamaður í NBA deildinni og engin ástæða til að mótmæla þeirri kenningu af miklum krafti, hann er klárlega með þeim bestu. Sjáðu bara þetta rugl:



Ekki aðeins er sendingin frábær yfir næstum allan völlinn, heldur er móttakan hjá geimvísindamanninum JaVale McGee af dýrari gerðinni. Við höfum amk aldrei áður séð mann taka viðstöðulausa handboltatroðslu. Þetta er á fárra færi, krakkar, ykkur er óhætt að trúa því. Mögnuð tilþrif.

Talandi um handbolta. Hvaða þvættingur væri það nú að sjá hinn 213 sentimetra háa McGee spila skyttu í handbolta? Spurning um að fá gaurinn í HK þegar hægist á hjá honum í NBA. Ætti að geta skotið yfir íslenska hávörn þegar haft er í huga að hann er með rúmlega 80 sentimetra í stökkkraft og skanka sem ná yfir Fossvoginn.

Andlitsmeðferð á uppskurðarafmælinu

Tweet

Í nótt sem leið var ár síðan framherjinn Jeff Green hjá Boston Celtics þurfti að fara í hjartauppskurð og tvísýnt var um framhaldið hjá honum. Hann hefur kannski ekki staðið undir væntingum hjá Celtics í vetur en hann hefur boðið okkur upp á nokkur ansi eftirminnileg tilþrif.

Hann hélt upp á uppskurðarafmælið á skemmtilegan hátt í nótt þegar hann gjörsamlega hamraði boltanum í grillið á fyrrum Celtics-manninum Jermaine O´Neal. Mjög skemmtileg tilþrif hjá piltinum.

Rosaleg handboltatroðsla frá Blake Griffin

Tweet

Blake Griffin er kominn aftur á stjá. Farinn að ögra náttúrulögmálum og reyna að meiða aðra blökkumenn með körfuboltum. Það er fyrrum Boston-miðherjinn Kendrick Perkins sem fær hér yfir sig manngerðar náttúruhamfarir úr smiðju Griffin. Flestir á því að þetta sé troðsla ársins til þessa. Svo er fólk hissa á því að við vökum heilu næturnar yfir þessari æpandi fegurð!