Fjölmiðladagurinn: Adam Morrison

Tweet

Fjölmiðladagurinn árlegi í NBA deildinni fór fram mánudaginn 1. október. 
NBA Ísland kíkti í heimsókn til nokkurra liða í deildinni og lagði fram nokkrar athugasemdir, hvort sem það var viðeigandi eða ekki. Þetta tekur nokkrar færslur og í þeirri síðustu tökum við saman skemmtilegustu myndir fjölmiðladagsins 2012.  

Adam Morrison er enn að reyna fyrir sér sem atvinnumaður í körfubolta. Segist ætla að hætta að reyna við NBA ef hann fær ekki sæti í liði Portland Trailblazers í vetur. 

Við getum örugglega lært eitthvað af Adam Morrison. Við höfum bara engan áhuga á því. 

Adam Morrison er besta dæmið um af hverju við horfum ekki á háskólaboltann. Við nennum ekki að eyða tíma í að horfa á bandaríska krakka spila körfubolta. Það værður nægur tími til að horfa á þá þegar þeir verða atvinnumenn og fara að geta sett lóð á stöngina í bekknum.

Adam er enn að reyna að fá inni í Paradís

Tweet

Hversu margir ætli hafi leitt hugann að því í kvöld hvernig Adam Morrison hefur það í augnablikinu?

Líklega ekki margir.

Menn eins og hann eru ástæða þess að við fílum ekki háskólaboltann.

 Eitt má Morrison þó eiga, hann var orðinn helvíti flottur með allt þetta síða hár og hefði auðveldlega geta falið sig baksviðs á Pantera-tónleikum.

Efri myndin sýnir hann aðeins snyrtari og huggulegri eins og hann ku líta út í dag.

Morrison hefur verið að spila í Evrópu en hefur á undanförnum dögum reynt fyrir sér með sumarliðum Clippers og Nets. Ætli við verðum ekki að óska þessum vælukjóa góðs gengis. Guð má vita af hverju. Við erum bara svona góðhjörtuð og gefandi.