Rólegur DeAndre

Tweet

Shawn Kemp tróð körfuboltum á fólk

Tweet

Þeir sem hafa fylgst með NBA frá því deildin ruddi sér til rúms hér á landi muna líklega allir eftir framherjanum Shawn Kemp.

Þessi mikli háloftafugl sló í gegn með Seattle Supersonics sáluga á fyrstu árum tíunda áratugarins og líklega er óhætt að segja að hann hafi toppað sem leikmaður í lokaúrslitunum árið 1996 þegar lið hans tapaði þar fyrir Chicago Bulls.

Áður en Kemp varð einn besti framherji deildarinnar, var hann hinsvegar fyrst og fremst þekktur sem háloftafugl og krafttroðari. Tomahawk-troðslurnar hans urðu heimsfrægar og samvinna hans og Gary Payton í hraðaupphlaupum Sonics var sjónvarpsefni í hæsta gæðaflokki.

Við rákumst á þessa skemmtilegu syrpu hérna fyrir neðan með mörgum af mögnuðustu troðslunum hans Kemp og meira að segja Kemp-aðdáendur eins og við fengum smá gæsahúð við það að rifja upp þvílíkt eintak af íþróttamanni drengurinn var fyrir um tuttugu árum síðan.

Við mælum eindregið með því að yngri körfuboltaáhugamenn skoði þetta myndband hérna fyrir neðan vel, þó margar af klippunum líti út fyrir að vera frá því árið 1946 vegna lélegra myndgæða.

Veitið því sérstaklega athygli hvað Kemp tróð fáránlega oft í andlitið á tveimur af bestu skotblokkurum sinnar kynslóðar - þeim Alonzo Mourning og Dikembe Mutombo.

Það má með sanni segja að Kemp hafi verið undanfari Blake Griffin á troðsviðinu, því ekkert fannst honum skemmtilegra en að gefa mönnum slátur - ekki síst leikmönnum Golden State Warriors eins og þið sjáið á mörgum af hans frægari troðslum undir lokin á myndbandinu.

Það er ekki laust við að við fyllumst nostalgíu þegar við horfum á Kemp nudda miðsvæðinu á sér í andlitið á andstæðingunum og láta þá svo vita vel af því eftir á.

Miðað við reglurnar í dag hefði hann fengið tæknivillu eftir um það bil 68% af þessum troðslum sínum, en á síðustu öld mátti nefnilega sýna tilfinningar á körfuboltavöllum, öfugt við það sem tíðkast í dag.

Góða skemmtun.

Nokkrar klassískar myndir af LeBron hjá Cavs

Tweet

Troðslur mánaðarins

Tweet

Hérna eru nokkrar af flottustu troðslum janúarmánaðar í NBA deildinni - nokkrar þeirra sannkallaðar andlitsmeðferðir. Þarna sjáið þið m.a. handboltatroðslu frá Blake Griffin yfir Kris Humphries og troðkeppnitroðsluna hans Paul George.

Biðjum ykkur að afsaka léleg myndgæði, en þið vitið að þið getið fundið stök eintök af hverri troðslu fyrir sig í betri gæðum á youtube.

Velkominn í deildina vinur

Tweet

Rólegur Iván!

Tweet

Henry hoppaði hátt með körfubolta

Tweet

Hún er orðin gömul þessi, við gerum okkur grein fyrir því, en það verða bara allir að sjá troðsluna hans Xavier Henry hjá Lakers gegn Skörfunum um daginn. Keppnis.

Þegar Frédéric Weis tók slátur

Tweet

Í dag munu vera þrettán ár síðan Vince Carter stökk yfir 218 cm háan franskan mann að nafni Frédéric Weis til að setja bolta ofan í körfu með bandaríska landsliðinu.

Segðu hvað sem þú vilt um Vince, þetta eru einhverjir mögnuðustu loftfimleikar sem náðst hafa á filmu - enginn leikmaður fyrr eða síðar hefur mátt taka annað eins slátur.

Frakkinn var bara ekki samur eftir þessa útreið. Við sjáum það alveg fyrir okkur að hann búi núna undir brú í miðborg Parísar þar sem hann talar samhengislaust við sjálfan sig og drekkur rakspíra.

Framtíðarsýn

Tweet

Nú þekkjum við Kobe Bryant auðvitað ekki neitt, en mikið kæmi það okkur ekki á óvart ef eitthvað svona væri ofarlega í huga hans þegar hann hamast í endurhæfingunni. Kobe vill alltaf eiga síðasta orðið og það verður ekki sérstaklega erfitt að koma honum í gírinn fyrir Rockets leiki á næstunni.

P.s. - Tyson Beck hlýtur að vera flottasta nafn... allra tíma.

Varstu búinn að gleyma Michael Finley?

Tweet

Mikið höfðum við nú gaman af því að horfa á Michael Finley spila körfubolta. Skemmtilegast var að horfa á hann troða yfir fólk. Í myndbandinu hérna fyrir neðan fer hann í grillið á megninu af miðherjunum í deildinni. Algjör listamaður sem gleymist allt of oft þegar talað er um bestu troðarana (í leik). Finley spilaði megnið af ferlinum í Texas með Dallas og San Antonio.

Það fer lítið fyrir tilþrifum Finley þegar hann var hjá Phoenix í syrpunni hér að neðan, en við munum vel eftir því að það leið ekki einn þáttur af NBA Tilþrifum öðruvísi en að við fengjum að sjá einhver glæsitilþrif frá honum - oftast hamrandi yfir einhvern miðherjann.

Finley var samt miklu meira en bara troðari. Sjáðu bara tölurnar hans frá aldamótaárinu: 22,6 stig, 6,3 fráköst, 5,3 stoðsendingar, 1,3 stolnir boltar. Skotnýtingin var 46% - þar af 40% í þristum. Toppmaður.

Diaw tók slátur í nótt

Tweet

Þetta er of gott

Tweet

Mælum með því að allir reyni þetta í skólanum eða á skrifstofunni á mánudaginn.

Jason Terry tekur slátur frá LBJ

Tweet

Ónýtar reglur

Tweet

Stundum er eins og flottustu körfurnar fái aldrei að standa. Hvernig væri að bæta í reglurnar viðauka að varnarmenn sem taka slátur í miðri andlitsmeðferð geti ekki - undir neinum kringumstæðum - fengið dæmdan ruðning á sóknarmann?



Reglur**k eins og það sem dæmir þessa körfu ógilda á að fjarlægja með öllu. Ef til eru íþróttamenn sem geta hoppað svo hátt að þeir geta tepokað varnarmenn sem reyna að taka á þá ruðning - á að leyfa þeim að gera það. Það er bara þannig.

Mozgov hatar ekki að láta Mozgov-a sig

Tweet

Sláturtíðin er hafin

Tweet

LeBron og KD fóru í sund

Tweet

Eins og allir sem fylgjast á annað borð með þessari síðu vita, verða það Oklahoma City og Miami sem berjast um meistaratitilinn þetta árið.

Einvígið sem allra augu muni beinast að er að sjálfssögðu slagur þeirra Kevin Durant og LeBron James.

Það er ekki á hverjum degi - raunar aldrei - sem við sjáum tvo kornunga 30 stiga menn sem spila sömu stöðu mætast svona í lokaúrslitum.

Þó ekki væri nema bara fyrir þetta og ekkert annað, væri einvígi liðanna gjörsamlega þess virði að horfa á það.

Durant og James mynduðu með sér vinskap fyrir ekkert svo löngu síðan. Það er svo sem ekkert óeðlilegt, báðir eru ljúfustu piltar og vilja sífellt bæta sig sem leikmenn. Það var til dæmis gaman að sjá þá æfa saman meðan verkbannið stóð yfir.

Þessi mynd sem þið sjáið hér var tekin við slíkt tækifæri ef okkur misminnir ekki.

Nokkur atriði um myndina:

* LeBron James er vel hrikalegri í vextinum en Durant, þó hinn síðarnefndi sé hægt og bítandi að reyna að kjöta sig aðeins upp. Hann verður samt aldrei massaður af neinu viti. Hann er búinn að finna sinn leik og það er vel.

* James er alveg örugglega klæddur í Still Longs síðbrók.

* Kapparnir spöruðu hvergi þegar kom að því að velja sundskó. Báðir enda vel sponsaðir.

* Konan á milli þeirra var alveg að hata það að sitja fyrir á þessari mynd. Eflaust sagt að hún mætti ekkert vera að þessu, en hefur ekki farið í sturtu síðan.

* Já, sum af atriðunum í þessari upptalningu eru bara uppfyllingarefni sem við smíðum í kring um aðalatriðið við þessa mynd, sem gefur okkur óþægilega góða hugmynd um stærðarhlutföll æxlunarfæra stigakóngsins unga.

* Sum ykkar vissuð eflaust ekki að Kevin Durant er með mökk af bleki, hann bara felur það innan klæða, þau eru flest á búknum á honum.

* Og einn punktur í viðbót sem segir alls ekki neitt, heldur er notaður til að dulbúa þá staðreynd að við gátum ekki annað en tjáð okkur um slátrið á Kevin Durant í sundi.

Þeir hafa troðið fullt af körfuboltum

Tweet

Þegar Lucas litli tók slátur

Tweet

Lucas tekur slátur

Tweet