Saturday, December 10, 2011

Brandon Roy leikur við börnin sín


Brandon Roy eyddi deginum sem hann hætti sem atvinnumaður í körfubolta í að leika við börnin sín. Það var Bruce Ely á Oregonian sem tók þessar fallegu myndir.

Grátlegt að horfa á eftir 27 ára gömlum snillingi í golfið. Hann getur þó huggað sig við að hann á eftir að fá á níunda milljarð króna í launagreiðslur frá Blazers þó stígi aldrei fæti inn á körfuboltavöll aftur. Hann er því ríkur maður sama hvernig á það er litið, jafnvel þó hann hafi fengið ónýt hné í vöggugjöf.

Það er vonandi einhver smá huggun í því fyrir Roy hvernig hann lauk keppni síðasta vor. Þú ert varla búinn að gleyma því hvernig drengurinn fór hamförum í fjórða leiknum gegn meisturum Dallas, er það? Rifjaðu það upp hérna með hjálp YouTube.





Guð hatar Portland


Það er ekkert hægt að gera annað en hrista höfuðið yfir ástandinu á Portland Trailblazers. Það er ekki gott að segja hvað þetta félag hefur gert af sér til að verðskulda þessi áföll sem dynja á því.

Brandon Roy, sá frábæri leikmaður, þarf að leggja skóna á hilluna á innan við besta aldri vegna þess að hann er með ónýt hné. Og Greg Oden þarf enn á ný að fresta endurkomu sinni vegna frekari meiðsla. Þetta er bara orðið asnalegt. Stuðningsmenn þessa flotta félags eiga alla okkar samúð.






Tvífarar dagsins


Hann Björn Geir sendi okkur nokkra skondna tvífara sem hann setti saman.
Við höfum alltaf gaman af svona löguðu. Sendið okkur endilega línu á nbaisland@gmail.com ef þið lumið á einhverju skemmtilegu. 

Cameron Echols og leikarinn Luis Guzmán
 
 
 
 
 
 
 
 
 
 
 
 
 
 
 
 
 
 
 
 
 
Jón Bender dómari og rapparinn Ívar Schram/Immo úr Original Melody.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Grindvíkingurinn J´Nathan Bullock og rapparinn Pusha T
 
 

Wednesday, December 7, 2011

Til hamingju með daginn, Larry


The Predator


Rifinn Fisher


Hann er kannski ekkert unglamb lengur hann Derek Fisher, en fólk úti á götu myndi líklega trúa honum ef hann segði því að hann væri atvinnuíþróttamaður. Sæmilega rifinn pilturinn. Verið dulegur að æfa í sumar og haust eins og venjulega.

Orðrómur


Sunday, December 4, 2011

Saturday, December 3, 2011

Til lukku með dolluna, Grindavík


Grindavík stóðst prófið og kláraði Lengjubikarinn með 75-74 sigri á Keflavík í úrslitaleik í dag.

Páll Axel þurfti að horfa á leikinn frá bekknum vegna meiðsla á læri og því gat hann ekki hjálpað félögum sínum að opna svæðisvörn Keflavíkur. Þetta hafðist samt hjá þeim gulklæddu, sem virðast ekkert á þeim buxunum að tapa leik í vetur.

Þetta er búin að vera ljómandi skemmtileg keppni í vetur. Nóg af leikjum og úrslitaleikirnir voru fínasta skemmtun. Pössum bara að hafa KR með næst svo mætingin verði betri og kveikt verði á grillinu.

Smelltun hérna inn nokkrum myndum af villtum fögnuði Grindvíkinga, sem nú hljóta að vera komnir með bæði augun á Íslandsbikarinn. Það er orðið svo fjandi langt síðan síðast, þó Guðmundur Bragason sé reyndar alveg jafn beittur í fráköstunum í dag og hann var þá.


Aðventutvíhöfði í vesturbænum



































Það var óhemju skemmtilegt á aðventukvöldinu í DHL höllinni í vesturbænum í gærkvöldi. KR-ingar hýstu þá undanúrslitaeinvígin í Lengjubikarnum þar sem við áttust Grindavík-Þór og Keflavík-Snæfell.

Það er auðvitað ekki sama stemningin í þessu húsi þegar heimamenn eru ekki að spila og mest söknuðum við þess að finna ekki lyktina af grillinu. KR-ingar eru þó alltaf höfðingjar heim að sækja það vantar ekki. Það hefði mátt samt vera fleira fólk á leikjunum. Græni drekinn bjargaði málunum með krafti sínum og áhuga. Toppmenn og komnir í nýja búninga.


Grindvíkingar unnu enn einn leikinn þegar þeir skelltu Þórsurum í fyrri leiknum, 80-66. Þórsliðið barðist hetjulega en þeir gulu eru einfaldlega með meiri breidd og meiri gæði í sínum röðum. Grindavík hikstaði aðeins á móti svæðisvörn Þórsara, en maður hafði aldrei á tilfinningunni að þeir væru í stórkostlegum vandræðum. Dásamlegt að sjá boltahreyfinguna hjá Grindavíkurliðinu þegar það er í essinu sínu.




Keflavíkurliðið bókaði sæti í úrslitaviðureigninni við granna sína með 93-88 baráttusigri á Snæfelli. Það gefur góð fyrirheit fyrir Keflavík að rúlla í úrslitin án þeirra Magnúsar Gunnarssonar (bann) og Arnars Freys Jónssonar (meiðsli).

Við höfum á tilfinningunni að Keflavíkurliðinu sé að vaxa fiskur um hrygg og það var gríðarlegur andi í liðinu í gærkvöldi. Þeir geta vel unnið granna sína í úrslitaleiknum ef þeir verða í stuði.

























Lið Snæfells, eins og svo mörg önnur lið í Iceland Express deildinni, er enn ekki farið að spila eins og við ætlumst til af því. Snæfell á heima í pakkanum við toppinn, á því leikur enginn vafi.

Við ætlum ekki að gera sjálfum okkur eða ykkur þann óleik að fara að spá mikið í úrslitaleikinn í dag, en hann markar annað prófið á stuttum tíma fyrir taplausa Grindvíkinga.

Grindavík er einfaldlega langbesta liðið í deildinni í dag og situr fast í toppsæti vinsældalistans. Keflavík fær fínan séns til að reyna að hræra eitthvað í því með sigri í úrslitaleiknumm en þeir gulu eru alveg hrikalegir. Dálítið eins og þessir tveir hérna fyrir neðan.

Úrslitaleikurinn í Lengjubikarnum fer fram í DHL höllinni í Frostaskjóli klukkan 16:00 í dag, laugardag, og það væri gaman að sjá þig á pöllunum.

Ertu búin(n) að kaupa jólagjöfina í ár?


Það er farið að lækka í bolahrúgunni. Salan á NBA Ísland bolunum hefur gengið þokkalega, en enn eru nokkrir eftir.

Við höfum ákveðið að það verði Barnaspítali Hringsins sem fær að njóta góðs af hverri krónu sem kemur í kassann í bolasölunni.

Ætli við kaupum ekki eitthvað dót fyrir börnin. Þetta  verða nokkrir þúsundkallar sem safnast og fínt að setja þá í eitthvað sem getur glatt krakkana meðan þeir dvelja á spítalanum.

Á myndinni má sjá stórmeistarann Jón Björn Ólafsson, ritstjóra karfan.is. Hann nældi sér í NBA Ísland bol í kvöld og tekur sig einstaklega vel út í honum.

Gaman hve margir úr fjölmiðlastéttinni hafa náð sér í bol til að leggja góðu málefni lið. En það er auðvitað líka freistandi að líta vel út.

Sendu póst á nbaisland@gmail.com ef þú hefur áhuga á að næla þér í bol.

Auðmýkt í vesturbænum


Auðmýkt er líklega ekki fyrsta orðið sem kemur upp í hugann á fólki þegar það er beðið að lýsa Knattspyrnufélagi Reykjavíkur.

KR bauðst til að hýsa undanúrslit og úrslit í Lengjubikarnum í ár og auðvitað reiknuðu menn þar á bæ með að KR yrði á meðal hinna fjögurra fræknu. Svo var þó ekki að þessu sinni og fyrir vikið vantaði talsvert upp á stemninguna í DHL höllinni á undanúrslitakvöldinu. Enginn fíraði upp í grillinu, Palli var ekki á mæknum og svo framvegis. Skiljanlegt auðvitað.

En KR-ingar tóku heldur betur þátt í tvíhöfðanum þó liðið væri ekki að spila. Leikmenn meistaraflokks KR skiptu með sér verkum á ritaraborðinu í báðum undanúrslitaleikjunum. Það var mátulegt á þá úr því þeir komust ekki í undanúrslitin. Þetta kennir þeim auðmýkt og er fín leið til að rifja upp hvernig þetta var þegar þeir voru guttar. Þeir virtust ekki hafa neitt á móti þessu piltarnir og gerðu þetta með bros á vör.

Það sem okkur þótti hinsvegar skemmtilegast, var að sjá hvernig Hrafn Kristjánsson þjálfari KR tók að sér eitt mikilvægasta hlutverkið á vellinum - að vera á moppunni. Þetta þótti okkur óhemju gaman að sjá. Auðmýkt er að verða horfin úr íslensku samfélagi og það er eitt af því sem við þurfum öll að laga. Þetta uppátæki Hrafns er til eftirbreytni. Svona sjáum við bara í körfuboltanum.

Segðu hvað sem þú vilt um KR-inga, en þeir kunna að sýna auðmýkt. Það gera alvöru meistarar.

Friday, December 2, 2011

Thursday, December 1, 2011

Wednesday, November 30, 2011

Þessi stelpa er að fara eitthvað (via Halifax Collect)


Er þetta ekki alveg eðlilegt?


Clippers á forsíðu SI


Það gekk ekkert sérstaklega hjá síðasta Clippers-leikmanni sem komst á forsíðu Sports Illustrated.
Það er orðið ansi langt síðan þetta var. Darius Miles hafði bara ekki það sem til þurfti.







































Aðra sögu er að segja af ungstirninu Blake Griffin, sem prýðir þessa eftirsóttu og frægu forsíðu núna. Óhætt að áætla að um það bil 99% körfuboltaáhugamanna vonist til að sjá meira frá þessum kappa á næstunni. Hann er með þetta pilturinn. Frábær leikmaður og geðþekkur skemmtikraftur.

David Tairu er ekki að spila körfubolta á Íslandi


Synd að KR-ingar hafi þurft að láta David Tairu fara. 

Eins og talsmenn KR sögðu var pilturinn búinn að leggja sig allan fram og það leyndi sér ekkert á vellinum.

Meðaltölin hans í deildinni upp á 21,4 stig, 6,4 fráköst og 18 í framlag voru svo sem ekkert til að skammast sín fyrir.

KR hefði kannski allt eins geta losað sig við Ed Horton yngri, sem missti af nokkrum leikjum í byrjun leiktíðar vegna meiðsla og var skelfilegur í síðasta leik KR gegn Grindavík, þar sem hann komst ekki á blað í stigaskorun.

Öll vitum við þó að haustleikirnir segja ekki alla söguna og það er ekki langt síðan KR var með Kanabakvörð sem virkaði ósköp mannlegur framan af, en fór svo hamförum um vorið og tryggði liðinu Íslandsmeistaratitilinn.

Það er ekki tekið út með sældinni þetta Kanalottó. Nú er KR að leita sér að stórum manni og það er vel. Liðið getur vel notað stóran mann, svo mikið er víst. Brotthvarf Tairu opnar líka vonandi dyrnar fyrir meiri spilatíma fyrir Martin Hermannson og Björn Kristjánsson. Ekkert annað en sómi af því að sjá þessa efnilegu pilta vaxa og takast á við stærri hlutverk.