Rólegur Iván!

Tweet

Af hverju Jaric?

Tweet

Aldrei þótti okkur hann Marko Jaric neitt augnayndi þegar hann spilaði í NBA deildinni og satt best að segja finnst okkur hann bara eiginlega ljótur.

Augun eru til dæmis á röngum stað í grillinu á honum. Já, Jaric var hvorki frábær körfuboltamaður né fallegur.

Það er konan hans hinsvegar, hún Adriana Lima.

Hún er fædd í Brasilíu og á með honum tvö börn. Hún er náttúrulega heimsfræg fyrirsæta. Hvernig í fjandanum fer hann að þessu? Og ætli sé hægt að tappa þessu á flöskur? Þetta er náttúrulega rugl.

Íþróttafólkið í Curry-fjölskyldunni

Tweet

Það er nákvæmlega ekkert að því að vera Stephen Curry í dag. Þú ert ungur, myndarlegur, ríkur, vel giftur og besta skytta í heimi. Helvítis álag bara.

Það er ekki víst að yngri lesendur átti sig á því, en það er engin tilviljun að Stephen Curry sé svona hittinn. Pabbi hans Dell Curry var ein besta skytta sinnar kynslóðar í NBA deildinni þegar hann spilaði með frægu liði Charlotte Hornets á tíunda áratugnum.

Þar var hann liðsfélagi manna eins og Muggsy Bogues, Larry Johnson og Alonzo Mourning. Curry eldri skaut ófá liðin í kaf með bombum sínum af bekknum hjá Hornets.

Dell Curry lék með Hornets á árunum 1988-98 og eignaðist nokkur börn á þessum tíma. Eitt þeirra var Stephen Curry - maður sem allir sem fylgjast með NBA í dag þekkja.

Það er eiginlega fyndið að hugsa til þess að Curry hafi enn ekki verið valinn í Stjörnulið, en það verður væntanlega breyting á því í febrúar.

Stephen Curry er ekki eina undrabarnið undan Dell-gamla, því sonur hans Seth Curry spilaði fyrir Duke háskólann og hefur verið að banka á dyrnar í NBA deildinni.

Hann spilar sem stendur með systurfélagi Golden State, Santa Cruz Warriors og fékk að reyna sig hjá Golden State í haust. Hann náði þó ekki að landa samningi og ganga til liðs við bróður sinn.

Sonya Curry, móðir þeirra Curry-bræðra er fyrrum blakspilari og gerði gott mót á því sviði á sínum tíma. Systir þeirra Curry-bræðra, Sydel Curry, er að feta í fótspor móður sinnar og er fantagóð í blakinu.

Sannarlega mikil íþróttafjölskylda og skotvissari en flestar venjulegar fjölskyldur.

Það væri nú ekki leiðinlegt að sjá þá feðga Dell og Stephen fara í asna. Hvor þeirra ætli hefði betur? Kannski að við skerum bara úr um það á staðnum.

Stórskyttan okkar Stephen Curry gekk að eiga unnustu sína Ayeshu Alexander árið 2011* og saman eiga þau eina dóttur.

Dóttirin er svo hrikalega mikið krútt að hún er næstum því jafnmikið krútt og pabbi hennar. Næstum því.  Þú ert ekki mannleg(ur) nema þig langi að klípa í kinnarnar á Steph og tala barnamál við hann.

Eins og sjá má á myndunum þarf móðir litlu stúlkunnar hún Ayesha ekkert að skammast sín fyrir útlitið. Hún er enda fyrrum fyrirsæta og leikkona, eins og um það bil allar konur sem ekki eru þeim mun ljótari í Bandaríkjunum.

Þau Ayesha og Curry eru svona klassískt hæskúl svítharts frá Charlotte og segir sagan að þau hafi bæði verið svo miklir dúllurassar að þau hafi aldrei ætlað að byrja saman. Fjölskyldur þeirra þekktust vel og fólkið var alltaf að tala um hvað væri mikill hjónasvipur með krökkunum tveimur. Nokkuð til í því.

Curry bað kærustu sinnar í innkeyrslunni hjá fjölskyldu sinni, staðnum þar sem hann kyssti hana í fyrsta sinn. Eins og nútímapara er siður, tilkynntu þau þetta að sjálfssögðu á Twitter á sínum tíma. Eru þau ekki óstjórnlegar dúllur?

* Hvað er samt að frétta með sækó-svipinn á Curry á brúðkaupsmyndinni þar sem þau sitja saman á bekknum?

Sækjast sér um líkir

Tweet

Durant á skeljarnar

Tweet

Stórskorarinn Kevin Durant hjá Oklahoma City fór á skeljarnar á föstudaginn og trúlofaðist WNBA leikmanninnum Monic(u) Wright. Skötuhjúin hafa ekki farið hátt með samband sitt og kemur það ekki á óvart. Kevin Durant er ekki vanur að vera að auglýsa hvað hann er að gera í einkalífinu. Wright spilar með Minnesota Lynx og var valin númer tvö í nýliðavalinu á sínum tíma alveg eins og bóndi hennar verðandi.

Annars var þetta ekki lengi að bruggast hjá krökkunum.
Hér er tíst frá Durant frá árinu 2011:

Or maybe I need a basketball playing girlfriend...hmmm lol...monica wright where r u(love n basketball)
— Kevin Durant (@KDTrey5) September 7, 2011

Rodman eldri greiðir 700.000 í meðlag

Tweet

Allir þekkja Dennis Rodman, sem á gamalsaldri hefur loksins náð að hitta föður sinn, Philander Rodman. Sá gamli er kominn yfir sjötugt, heldur til á Filippseyjum og er sagður eiga hvorki meira né minna en 29 börn með 16 konum!

Auðvitað eru öll þessi börn einhver komin yfir 18 ára aldurinn, en ef við gefum okkur til gamans að þau væru öll yngri, væri sá gamli ekki að greiða nema 700 þúsund krónur í meðlag á mánuði og tæpar átta og hálfa milljón á ári ef hann væri svo óheppinn að búa á Íslandi.

Þetta er allt saman alveg þræleðlilegt eins og flest í kring um Dennis blessaðan. Ef við setjum þetta í samhengi við körfuboltaferil Dennis Rodman má leiða líkum að því að móðir hans Dennis hafi verið rebound-gella fyrir þann gamla inn á milli barneigna.

Það gat ekki annað verið en að maður sem skilur eftir sig annað eins genahryðjuverk og Dennis Rodman væri nokkuð... tjah, léttur á því.

Smelltu á ´ann

Tweet

Stilltu þig, stelpa

Tweet