Byltan

Tweet

Íslandið í Garðinum

Tweet

Okkur þykir alltaf jafn vænt um það þegar menn taka sig til og representera NBA Ísland þegar þeir fara á leiki í NBA deildinni. Nýjasta dæmið um þetta gefur að líta hérna fyrir neðan, en það eru myndir frá pílagrímsför KR-ingsins Þorsteins Jónssonar í Madison Square Garden á dögunum.

Steini skellti sér á leik New York Knicks og Toronto Raptors og tók bolinn alla leið með því að fá sér frauðfingur og tilheyrandi. Rúsínan í pylsuendanum er samt að sjálfssögðu bolurinn, en þær eru að verða ansi margar hallirnar í NBA sem heimsóttar hafa verið af Íslendingum í NBA Ísland bolum.

Eins og nærri má geta skemmti Þorsteinn sér konunglega í Garðinum á dögunum, en í samtali við ritstjórnina sagði hann að það sem hefði komið sér mest á óvart væri hvað Amare Stoudemire gæti enn hoppað hátt. Þið sjáið hann einmitt svífa um loftin blá á einni myndinni hérna fyrir neðan.

Við þökkum Þorsteini fyrir þetta skemmtilega innlegg og hvetjum alla sem vilja representera Íslandið sitt til að senda okkur myndir frá ferðalögum sínum ytra. Það eru meira að segja enn til örfáir bolir á lagernum ef einhver hefur áhuga á að fá sér svoleiðis og taka þetta alla leið. Þið getið sent línu á nbaisland@gmail.com til að kanna málið.

Meistararnir við Brandenborgarhliðið í Berlín

Tweet

Dýrið flýgur

Tweet

Veðurathuganir Travis Cohn (þarna uppi)

Tweet

Troðkeppnir geta alveg verið skemmtilegar ef þátttakendur kunna til verks. Snæfellingurinn Travis Cohn III er sannarlega einn þeirra. Klikkaði ekki á einni troðslu og sýndi langbestu tilþrifin í Hafnarfirði í dag, þar sem Stjörnuleikurinn 2014 fór fram.

Tilburðir hans hefðu auðveldlega dugað til að koma honum í úrslit í troðkeppninni í NBA deildarinnar. Maðurinn hefur svo lítið fyrir því að klifra þarna upp og dúlla sér að það er eiginlega asnalegt. Algjör fagmaður.

Hentum hérna inn nokkrum myndum af troðurunum knáu. Reyndar vantar þarna mynd af Nat-vélinni, en það kemur ekki til af góðu. Hann tók eiginlega Birdmanninn á þetta og var í stórvandræðum með útfærslurnar á troðslunum sínum. Endaði yfirleitt á því að skila niður iðnaði sem fékk svo ekki háa einkunn hjá dómurum.

Þetta er byrjað

Tweet

 Deildakeppnin í NBA deildinnin hófst í nótt með þremur leikjum eins og þið hafið væntanlega tekið eftir.

Fulltrúi NBA Ísland, persónulegi trúbadorinn Björgvin Ingi, skellti sér á grannaslaginn í Los Angeles eins og þið sjáið á myndinni hér til hliðar.

Alltaf frábært að hafa fulltrúa á svæðinu.

Það er búið að vera snælduviltlaust að gera hjá ritstjórninni í hliðarverkefnum og því höfum við ekki hitað upp fyrir leiktíðina með hefðbundnum hætti, en þó er von á efni í þá áttina mjög fljótlega.

Gleðilega hátíð og góða skemmtun elskurnar.

Á ferð og (aðallega) flugi

Tweet

Manni nokkrum sem hefur of mikinn frítíma, datt í hug að reikna út hvað hvert einasta lið í NBA deildinni þarf að ferðast margar mílur á komandi keppnistímabili og setja upp í töflu.

Eins og þið sjáið er glettilegur munur á því hvað klúbbarnir þurfa að fljúga mikið.

Það er Minnesota sem situr í efsta sætinu og þarf að þvælast einhverjar 50 þúsund mílur á leiktíðinni.

Í næstu sætum koma svo nokkur lið úr Kyrrahafsriðlinum, Portland, Phoenix, LA Lakers og Golden State.

Athyglisvert er að sjö af þeim átta liðum sem ferðast mest í vetur eru í Vesturdeildinni. Eins og það hafi ekki verið nógu mikill lúxus að spila í austrinu undanfarin ár.

Ástæðan fyrir lægri tölum hjá Austurdeildarliðunum er einfaldlega sú að það er svo stutt á milli margra þeirra uppi í norðaustrinu eins og þið sjáið á kortinu hér fyrir neðan (smellið á myndirnar til að stækka þær).

Rod Strickland spilaði einu sinni körfubolta

Tweet

Já, þetta er Rod Strickland. Frábær leikmaður á sínum tíma, en virðist þó aldrei hafa lært listina að vera leikstjórnandi fullkomlega, því það heyrði til undantekninga ef hann spilaði með sama liðinu tvö ár í röð.

Við munum eftir Strikland spila með Portland, New York og San Antonio á fyrstu árum hans í deildinni og það sem við sáum til hans, spilaði hann mjög vel. Hann var að skila þetta 18-19 stigum og um níu stoðsendingum þegar hann var upp á sitt besta.

Skondið að hugsa til þess að leikmennirnir sem orðið hafa stoðsendingakóngar í NBA deildinni frá árinu 1999 eru allir enn að spila í deildinni, en sá sem hreppti titilinn árið 1998 var einmitt Rod Strickland. Það var í eina skiptið sem hann hlaut þennan heiður.

Árið á undan var það Mark Jackson þjálfari Golden State og árin níu í röð þar á undan var það John Stockton sem átti þennan tölfræðiflokk.

Af hverju fórum við allt í einu að hugsa um Rod Strickland, spyrðu?

Af því það er ennþá maður að spila í NBA deildinni í dag sem spilaði með Rod Strickland á sínum tíma, sem er nokkuð magnað ef þú pælir í því.

Og jú, af því Strickland er guðfaðir Kyrie Irving, besta tvítuga körfuboltamannsins í sólkerfinu.

Áður en þú rífur á þér hausinn við að komast að því hvaða leikmaður það er sem spilaði með Rod Strickland á sínum tíma og er enn að spila í dag, er líklega best að segja þér það.

Það er Mike James, sem nú er meira að segja að fá mínútur hjá Dallas.

Kíktu á ferilinn hans, hann er ekki síður skrautlegur og ferill Strickland. Hann hefur aldrei haft tíma til að verða leiður á skápnum sínum.

Svona gerist þegar sá sem er á vaktinni hjá NBA Ísland það kvöldið byrjar að skrifa það sem hann er að hugsa. Lítið við því að gera.

Dragic á flugi

Tweet

NBA Ísland á ferð og flugi

Tweet

Lesendur NBA eru víðar en á Íslandi. Fyrir nokkru birtum við myndir af einum í Chicago og hér fyrir neðan má sjá einn góðan pósa fyrir framan nokkur þekkt kennileiti í Los Angeles.

Þetta er góðvinur ritstjórnarinnar Gunnar Björn Helgason, sem þarna var í viðskiptaferð í Englaborginni. Þeir sem hlusta á Hlaðvarp NBA Ísland kannast við kauða.

Þegar líður á veturinn er aldrei að vita nema við fáum myndir af Úlfavaktinni í Minneapolis. Ef þú átt einhverjar skemmtilegar körfubolta- eða NBA-tengdar myndir, máttu endilega senda þær á nbaisland@gmail.com