Showing posts with label Séð & Heyrt. Show all posts
Showing posts with label Séð & Heyrt. Show all posts

Wednesday, November 19, 2014

Bjöllubarnið Klitschko


Leikkonan léttfætta Hayden Panettiere og hnefaleikakappinn Wladimir Klitschko eiga von á barni mjög fljótlega. Skemmst er frá því segja að Klitschko er aðeins hærri en unnustan, sem er frekar stutt í annan endann.

Viðbjóðsvefurinn TMZ birti í gær bumbumyndir af henni Hayden litlu. Hún geislar af fegurð eins og allar konur sem ganga með börn, en við getum ekki annað en haft áhyggjur af því hvernig hún á að koma þessu stykki sem hún gengur með í heiminn.

Barnið verður á stærð við Volkswagen bjöllu!

Við óskum parinu að sjálfssögðu allrar lukku í barnastandinu, en okkur sýnist þetta barn eiga eftir að ógna henni Toyotu litlu Ming í stærð ef eitthvað er. Hvað ætli Toyota sé orðin hávaxin í dag?

Tuesday, October 14, 2014

Viðurkenndu það bara...


... þú ert búin(n) að vera hugsa um hækkandi hárlínu LeBron James í allt sumar og þig dauðlangar að sjá hver staðan á henni er í dag. Örvæntið ekki. Íslandið reddar þessu fyrir ykkur. Það er að verða orðin spurning fyrir LeBron að byrja að spila með doo-rag. Ennisbandið veldur þessu ekki.




Monday, July 8, 2013

Durant á skeljarnar


Stórskorarinn Kevin Durant hjá Oklahoma City fór á skeljarnar á föstudaginn og trúlofaðist WNBA leikmanninnum Monic(u) Wright. Skötuhjúin hafa ekki farið hátt með samband sitt og kemur það ekki á óvart. Kevin Durant er ekki vanur að vera að auglýsa hvað hann er að gera í einkalífinu. Wright spilar með Minnesota Lynx og var valin númer tvö í nýliðavalinu á sínum tíma alveg eins og bóndi hennar verðandi.




































Annars var þetta ekki lengi að bruggast hjá krökkunum.
Hér er tíst frá Durant frá árinu 2011:

Garnett og fjölskylda í afmæli


Það er ekkert slor að vera frægur. Það þýðir að séu góðar líkur á því að annað frægt fólk bjóði þér í afmælisveislur barnanna sinna.

Þannig var það í Malibu í Kaliforníu um helgina þegar haldið var upp á fimm ára afmæli Levi McConaughey, sonar hjartaknúsarans og Hollywood-leikarans Matthew McConaughey. Meðal þeirra sem mættu í geimið voru Óskarsverðlaunahafinn Sandra Bullock og Garnett-fjölskyldan.

Kevin Garnett, sem nýverið gekk í raðir Brooklyn Nets, er nágranni McConaughey og á dóttur á svipuðum aldri og leikarinn tungulipri. Garnett hefur búið í Malibu á sumrin í meira en áratug.











Rodman skellti sér út á borða á Suðurströnd


Dennis Rodman er fullkomlega eðlilegur náungi sem forðast athyglina eins og sjá má á klæðaburði hans og... sérhannaðri Hummer-bifreið hans.

Frákastakóngurinn brá sér út að borða á veitingastaðnum Prime 112 á Suðurströnd (Miami) fyrir skömmu og Papparassarnir voru að sjálfssögðu á svæðinu. Við gátum ekki annað en birt afraksturinn. Þetta er nú einu sinni Denni Dæmalausi.