Showing posts with label Al Jefferson. Show all posts
Showing posts with label Al Jefferson. Show all posts
Sunday, August 3, 2014
Það er ekki alveg sama hvar þú spilar körfubolta
Stóri-Al Jefferson hjá Charlotte Hornets er prúður og vel upp alinn piltur frá Mississippi, nánar tiltekið frá Monticello, en það er bær á stærð við Sandgerði í suðurhluta ríkisins.
Því má kannski segja að hann hefði alist upp í Mjóafirði í Suður-Múlasýslu ef hann hefði fæðst á Íslandi. Þó má reyndar teljast ólíklegt að hann hefði farið út í körfuboltann ef hann hefði alist upp hjá Fúsa á Brekku, þrátt fyrir að vera vel á þriðja metrann á hæð.
Atlanta-framherjinn Paul Millsap er frá talsvert stærri borg sem heitir Monroe í norðurhluta nágrannaríkisins Louisiana. Hann er kannski ekki alveg sami sveitamaðurinn og Jefferson, en báðir eru þeir rólegir og geðþekkir piltar sem eiga það jú sameiginlegt að vera frambærilegir körfuboltamenn. Vissulega eiga þeir það líka sameiginlegt að hafa verið samherjar hjá Utah Jazz á árunum 2010 til 2013.
Efnisflokkar:
Aftanmóðumas og steinsmugustiklur
,
Al Jefferson
,
Austurdeildin
,
Hawks
,
Hornets
,
Jazz
,
Jón og séra Jón
,
Leikmannamál
,
Paul Millsap
,
Prósi
,
West is best
Thursday, July 4, 2013
Stóri Al vill peninga fyrir að spila körfubolta
Stóri Al Jefferson er með lausa samninga hjá Utah Jazz og er á höttunum eftir samningi sem færir honum 15 milljónir dollara í árslaun. Hann ætlar að bíða rólegur eftir því að Dwight Howard klári fegurðarsamkeppnina sína, en eftir það gæti myndast sæmileg eftirspurn eftir Jefferson. Hann er nú einu sinni einn af síðustu leikmönnunum í NBA sem geta spilað með bakið að körfunni.
Jefferson er að koma af samningi sem er jú að borga honum 15 milljónir í laun á lokaárinu og því ættu lið ekki að borga manni 15 kúlur sem skilar 18 stigum, 10 fráköstum og 50% skotnýtingu?
Ah, af því að það eru tvær hliðar á körfuboltavelli. Jefferson líður mjög vel á helmingi andstæðinganna og getur framleitt stig upp úr engu þegar mikið liggur við. Hann er hinsvegar svo æpandi lélegur á hinum endanum að það er alveg sama hvað hann er ökónómískur í sókninni - hann skilar því öllu til baka hinu megin.
Al Jefferson er virkilega góður og prúður drengur. Hann gætir þess alltaf að andrúmsloftið sé gott í búningsklefanum og er alltaf tilbúinn að gera allt fyrir alla. Hann á hinsvegar aldrei eftir að komast upp úr fyrstu umferð úrslitakeppninnar með liði þar sem hann er fyrsti valkostur. Því miður fyrir hann.
Stóri Al á eftir að fá borgað, sannið til, en það er hætt við því að það verði hjá félagi eins og Bobcats sem í besta falli sullar í meðalmennsku.
Efnisflokkar:
Al Jefferson
,
Blökkumaður fær borgað
,
Félagaskiptaglugginn
,
Varnarleikur
Thursday, November 15, 2012
Tilþrif Jeff Green í máli og myndum
Celtics-maðurinn Jeff Green hefur valdið nokkrum vonbrigðum það sem af er með liðinu en hann bætti aðeins fyrir það með þessari huggulegu troðslu yfir fyrrum Celtics-manninn Stóra-Al Jefferson í nótt.
Látum liggja milli hluta að Jefferson gæti ekki hoppað yfir blautt þriðjudagseintak af Þjóðviljanum, þetta er ansi huggulega gert og eins og þið sjáið á myndunum hérna fyrir neðan, reyndist troðslan ýmsum listamönnum innblástur í nótt.
Efnisflokkar:
Al Jefferson
,
Andlitsmeðferð
,
Celtics
,
Jeff Green
Subscribe to:
Posts (Atom)



