Handboltatroðsla Willie Cauley-Stein

Tweet

Ótrúleg troðkeppni í Toronto í nótt

Tweet

"Troðkeppnin er komin aftur!" tístu menn eins og Dominique Wilkins eftir að hafa horft á troðkónginn Zach LaVine frá Minnesota verja titil sinn í troðkeppninni í NBA í gærkvöldi eftir rosalegt einvígi við Aaron Gordon frá Orlando.

Þetta eru orð að sönnu. Við erum ekki frá því að þetta hafi verið flottasta úrslitarimma í sögu keppninnar. Aaron Gordon var maður fólksins og Twitter var ósammála dómurunum að gefa LaVine sigurinn. Það skiptir þó í rauninni engu máli, því það sem stendur upp úr er að við fengum sögulega skemmtilega troðkeppni í Toronto í gær.

Gordon kom heldur betur á óvart og lét LaVine, sem fyrirfram var talið að færi létt með þetta eins og í fyrra, vinna fyrir kaupinu sínu fram í síðustu troðslu. Það sem okkur finnst flottast við prógrammið hjá Gordon var að hann klikkaði ekki á einni einustu troðslu í allri keppninni, sem er lygilegt þegar haft er í huga hvað drengurinn var að framkvæma flókna hluti þarna uppi.

Þetta var hreint út sagt frábær keppni og það gleður okkur óendanlega að sjá að troðkeppnin lifi góðu lífi, eftir að hafa nánast dáið út um árabil. Svona háloftafuglar eins og LaVine og Gordon eiga heiður skilinn fyrir þessa hágæðaskemmtun í nótt. Við vorum svo hrifin af þessu að við ákváðum að henda hérna inn bæði myndbandi og myndum handa ykkur sem misstuð af stemmaranum, eða viljið upplifa hann á ný.

Rólegur DeAndre

Tweet

Meira af raunum hvíta mannsins

Tweet

Goðsögnin um "Hvíta Líkið" (ens. White Stiff) lifir enn góðu lífi í NBA deildinni. Hvíta líkið er hvítur miðherji sem dettur í jörðina ef hann reynir að tyggja tyggjó meðan hann er að ganga.

Og ekki líta þeir betur út þessi hræ, þegar hinir þeldökku starfsbræður þeirra byrja að hlaupa hringi í kring um þá og hoppa yfir þá. Það eru alveg til svartir skussar líka, en þeir virka færri. Svarti maðurinn er einfaldlega með betri grunntæki en sá hvíti, sem við bíðum alltaf eftir að verði útdauður í NBA deildinni. Svona erum við full af fordómum og kankvís á kynþættina.

En á öllu má finna undantekningar eins og þið sjáið á myndinni hérna fyrir ofan. Við tökum enga ábyrgð á að þessar tölur séu réttar, þær eru vonandi innan skekkjumarka, okkur fannst bara áhugavert að láta reyna á gömlu tugguna um stökkraunir hvíta mannsins á körfuboltavellinum.

Sælar stelpur, DeMar hérna

Tweet

Zach LaVine er ekki eðlilegur

Tweet

Stolinn bolti og troðsla með annari. Eðlilegasti og venjulegasti hlutur í heimi. Zach LaVine er hinsvegar ekkert venjulegur náungi eins og þið sáuð í troðkeppninni um daginn. Það er ekkert eðlilegt við þetta.

Hetjan og skúrkurinn Vince Carter

Tweet

Snareðlurnar frá Toronto eiga ekki tvítugsafmæli fyrr en eftir eitt ár, en félagið er strax byrjað að fagna því með fortíðarblæ. Í nótt tóku forráðamenn Raptors loksins þá ákvörðun að heiðra fyrrum leikmann sinn Vince Carter með smá myndbandssýningu á risaskjánum.

Margir voru búnir að bíða ansi lengi eftir þessu augnabliki. Sumir til að fá tækifæri til að klappa honum lof í lófa, en aðrir til að baula á hann. Vince Carter lék með Toronto frá árinu 1998 til ársins 2004, þegar honum var skipt til New Jersey Nets fyrir dauða hænu, ryðgað stjörnuskrúfjárn og hálfan pakka af bláum Gajol - sem er ekki einu sinni góður eins og þið vitið.

Sumir segja að fyrsta höggið í þessu drama hafi komið frá félaginu, að það hafi verið klúbburinn sem klúðraði þessu öllu saman og flæmdi Vince í burtu. Við trúum því mætavel að félagið hafi klúðrað fullt af hlutum - það er staðreynd - en það er ekki hægt að kenna því um brotthvarf Vince Carter.

Carter nefnilega hætti bara!

Vaxtarkippur Brúnars og fyrirbærafræðin

Tweet

Flestir sem á annað borð vita hver Brúnar er, þekkja söguna á bak við skyndilegan vaxtarkipp drengsins á unglings- og fullorðinsárunum.

Anthony Davis er með ljómandi góða boltameðferð af stórum manni að vera, en það er að hluta til vegna þess að hann gegndi stöðu bakvarðar upp í það sem nemur íslenska tíunda bekknum.

Hann var víst helst þekktur fyrir að hanga úti í horni og skjóta þristum, sem er ákaflega skondin tilhugsun í dag (í deeesch!).

Davis var víst ekki nema rétt rúmlega 180 sentimetrar á hæð í kring um 14-15 ára aldurinn, en nú þegar hann er kominn yfir tvítugt, er hann að nálgast 210 sentimetrana.

Sagt er að hann hafi mest sprottið yfir 20 sentimetra á 18 mánaða kafla.

Og hann á víst enn að vera að stækka, sem er reyndar ekkert spes, því ef hann fer ekki að hætta því, er hætt við að hann verði brothættur. Hann er alveg nógu gjarn á að meiðast nú þegar, þessi sambrýndi nördalegi og krúttlegi ofurleikmaður.

Hann er orðinn svo góður og hann er svo sérstakur leikmaður, að ef hann heldur svona áfram, förum við að kalla hann fyrirbæri. 

Og þið sem þekkið til á NBA Ísland vitið að það að vera kallaður fyrirbæri er líklega mesti heiður sem leikmanni hlotnast í okkar bókum.

Fyrirbærin eru sjaldgæf og sérstök og hver kynslóð leikmanna gefur almennt ekki af sér nema eitt fyrirbæri. Þannig var Wilt Chamberlain (f. 1936) fyrirbæri, Magic Johnson (f. 1959)var fyrirbæri, Shaquille O´Neal var fyrirbæri (f. 1972) og LeBron James (f. 1984) er fyrirbæri.

Leikmenn sem flokkast undir þetta hugtak eiga það sameiginlegt að búa yfir einstökum hæfileikum og oft eru það líkamlegir burðir þeirra sem gera það að verkum að þeir bera höfuð og herðar yfir samferðamenn sína.

Wilt og Shaq voru einfaldlega stærri, sterkari, sneggri og hæfileikaríkari en keppinautarnir - þeir voru hrein og klár genaundur. Menn eins og Magic og LeBron voru fyrirbæri á þann hátt að þeir höfðu fáa veikleika, gátu spilað nánast hvaða stöðu sem er á vellinum og gert það nær óaðfinnanlega. Fyrsta mál á dagskrá hjá þeim var og er alltaf að gera meðspilarana betri

Það er misjafnt hvenær menn ná tökum á fyrirbærafræðum sínum. Það var til dæmis vitað mál að Magic Johnson yrði/væri mjög sérstakur leikmaður löngu áður en hann byrjaði að raka sig. Þetta er ekki alveg jafn klippt og skorið hjá Davis, sem spilar líka allt aðra stöðu, en hann er líklega besta efni í fyrirbæri síðan LeBron james kom inn í deildina fyrir rúmum áratug. Og þá erum við ekki bara að tala um klæðaburðinn.

Nique

Tweet

Hendurnar á Rudy Gobert koma við körfubolta

Tweet

Rudy Gobert er að fá að spila nokkrar mínútur með franska landsliðinu. Hann er með eitt mesta vænghaf sem mælst hefur í NBA deildinni og forráðamenn Jazz eru bjartsýnir á að geta gert úr honum leikmann. Í versta falli þokkalegan varnarmann. Hann er jafnhár og Natvélin (218 sm)

Zach Lowe á Grantland skrifaði nokkur orð um Gobert og framtíðarhorfur hans sem leikmanns í dag. Það eru auðvitað allir að reyna að finna sér næsta Tyson Chandler - þennan mann sem er svo mikilvægur í NBA í dag - stóran mann sem er fljótur á fótunum, passar hringinn og klárar viðstöðulaust.

Þvílíkur lottóvinningur að vera sjö feta hár íþróttamaður með greindarvísitölu yfir 80. Þá þarftu ekki að hafa áhyggjur af fjármálunum í framtíðinni.

Sjáðu reglustikuna hérna fyrir neðan.

Þetta er það sem Gobert vantar upp á að geta snert körfuhringinn þegar hann stendur flötum fótum undir körfunni. Þarf sem sagt ekki að vippa sér hátt upp á tærnar til að snerta járnið.

Þvílíkur kolkrabbi.

Shawn Kemp tróð körfuboltum á fólk

Tweet

Þeir sem hafa fylgst með NBA frá því deildin ruddi sér til rúms hér á landi muna líklega allir eftir framherjanum Shawn Kemp.

Þessi mikli háloftafugl sló í gegn með Seattle Supersonics sáluga á fyrstu árum tíunda áratugarins og líklega er óhætt að segja að hann hafi toppað sem leikmaður í lokaúrslitunum árið 1996 þegar lið hans tapaði þar fyrir Chicago Bulls.

Áður en Kemp varð einn besti framherji deildarinnar, var hann hinsvegar fyrst og fremst þekktur sem háloftafugl og krafttroðari. Tomahawk-troðslurnar hans urðu heimsfrægar og samvinna hans og Gary Payton í hraðaupphlaupum Sonics var sjónvarpsefni í hæsta gæðaflokki.

Við rákumst á þessa skemmtilegu syrpu hérna fyrir neðan með mörgum af mögnuðustu troðslunum hans Kemp og meira að segja Kemp-aðdáendur eins og við fengum smá gæsahúð við það að rifja upp þvílíkt eintak af íþróttamanni drengurinn var fyrir um tuttugu árum síðan.

Við mælum eindregið með því að yngri körfuboltaáhugamenn skoði þetta myndband hérna fyrir neðan vel, þó margar af klippunum líti út fyrir að vera frá því árið 1946 vegna lélegra myndgæða.

Veitið því sérstaklega athygli hvað Kemp tróð fáránlega oft í andlitið á tveimur af bestu skotblokkurum sinnar kynslóðar - þeim Alonzo Mourning og Dikembe Mutombo.

Það má með sanni segja að Kemp hafi verið undanfari Blake Griffin á troðsviðinu, því ekkert fannst honum skemmtilegra en að gefa mönnum slátur - ekki síst leikmönnum Golden State Warriors eins og þið sjáið á mörgum af hans frægari troðslum undir lokin á myndbandinu.

Það er ekki laust við að við fyllumst nostalgíu þegar við horfum á Kemp nudda miðsvæðinu á sér í andlitið á andstæðingunum og láta þá svo vita vel af því eftir á.

Miðað við reglurnar í dag hefði hann fengið tæknivillu eftir um það bil 68% af þessum troðslum sínum, en á síðustu öld mátti nefnilega sýna tilfinningar á körfuboltavöllum, öfugt við það sem tíðkast í dag.

Góða skemmtun.

Nokkrar klassískar myndir af LeBron hjá Cavs

Tweet

Rose hendir einni niður

Tweet

Lið Bandaríkjanna er nú að æfa á fullu fyrir HM í körfubolta sem fram fer á Spáni eftir um það bil mánuð. Í kvöld spilaði liðið smá æfingaleik þar sem bláir kepptu við hvíta. Þarna er um að ræða blöndu af leikmönnum sem fara á HM og nokkra boxpúða sem þeir nota á æfingum. Það vakti eðlilega mikla kátínu þegar Derrick Rose bauð upp á þessa strax í upphafi leiks. Mikið erum við öll búin að sakna þess að horfa á þessa mennsku handsprengju spila körfubolta.

Myndir af troðslunni hans Russ

Tweet

Troðslur mánaðarins

Tweet

Hérna eru nokkrar af flottustu troðslum janúarmánaðar í NBA deildinni - nokkrar þeirra sannkallaðar andlitsmeðferðir. Þarna sjáið þið m.a. handboltatroðslu frá Blake Griffin yfir Kris Humphries og troðkeppnitroðsluna hans Paul George.

Biðjum ykkur að afsaka léleg myndgæði, en þið vitið að þið getið fundið stök eintök af hverri troðslu fyrir sig í betri gæðum á youtube.

Veðurathuganir Travis Cohn (þarna uppi)

Tweet

Troðkeppnir geta alveg verið skemmtilegar ef þátttakendur kunna til verks. Snæfellingurinn Travis Cohn III er sannarlega einn þeirra. Klikkaði ekki á einni troðslu og sýndi langbestu tilþrifin í Hafnarfirði í dag, þar sem Stjörnuleikurinn 2014 fór fram.

Tilburðir hans hefðu auðveldlega dugað til að koma honum í úrslit í troðkeppninni í NBA deildarinnar. Maðurinn hefur svo lítið fyrir því að klifra þarna upp og dúlla sér að það er eiginlega asnalegt. Algjör fagmaður.

Hentum hérna inn nokkrum myndum af troðurunum knáu. Reyndar vantar þarna mynd af Nat-vélinni, en það kemur ekki til af góðu. Hann tók eiginlega Birdmanninn á þetta og var í stórvandræðum með útfærslurnar á troðslunum sínum. Endaði yfirleitt á því að skila niður iðnaði sem fékk svo ekki háa einkunn hjá dómurum.

Paul George ákvað að troða bara

Tweet

Henry hoppaði hátt með körfubolta

Tweet

Hún er orðin gömul þessi, við gerum okkur grein fyrir því, en það verða bara allir að sjá troðsluna hans Xavier Henry hjá Lakers gegn Skörfunum um daginn. Keppnis.

Herra alheimur fær andlitsmeðferð

Tweet

Það gerist ekki á hverjum degi að besti körfuboltamaður heims láti troða yfir sig. Það gerðist nú samt í nótt sem leið þegar lúnir meistararnir í Miami ákváðu að tapa fyrir Philadelphia 76ers.

Svar NBA deildarinnar við fyrrum bæjarstjóra Kópavogs, Evan Turner, tók sig til og sturtaði einni á LeBron James þegar leikurinn var nýhafinn. Jú, jú, menn hafa fengið verri andlitsmeðferðir en þetta, en það er ekki oft sem kóngurinn sjálfur lætur fara svona með sig.



Veðbankar í Bandaríkjunum tippuðu á að Philadelphia ætti eftir að vinna eitthvað í kring um 16 leiki í deildakeppninni í vetur og því vantar nú ekki nema 15 sigra í viðbót til að standast þau háleitu markmið. Þetta er vissulega bara einn leikur, en ljúfur var sigurinn fyrir guttana.

Það er ekkert leyndarmál að Sixers er ekki beint að stefna á meistaratitil í vor og satt best að segja er fátt um fína drætti í leikmannahóp liðsins. Eins og sýndi sig í gær virðist þó vera smá neisti í þessum strákum og hvað okkur varðar værum við alveg til í að borga okkur inn á leik til að horfa á Evan Turner og Michael Carter-Williams spila körfubolta.

Það hefur varla farið fram hjá nokkrum NBA áhugamanni hvað nýliðinn Carter-Williams var að bjóða upp á í frumraun sinni í gær. Söguleg sprenging hjá drengnum, sem var ekki langt frá því að hlaða í fernuna.

Hvað LeBron James varðar, virðist hann hafa náð að kvitta eitthvað aðeins fyrir andlitsmeðferðina ef marka má myndina hérna fyrir neðan.

DeAndre Jordan meiðir liðsfélaga sinn með troðslu

Tweet