Chandlerarnir í Dallas

Tweet

Oklahoma er úr leik í toppbaráttunni í vestrinu

Tweet

Já frussandi.  Frussandi gremja!

Þetta er ekki bara ódýr orðaleikur. Farðu bara í efnisorðalistann hérna til hægri og sjáðu hvort er ekki til hasstagg sem heitir Frussandi Gremja.  Sátt(ur)? Ókei, þá getum við snúið okkur að því sem skiptir máli, nefnilega þróun mála í Vesturdeildinni.

Magnað að skuli vera búið að draga til stórtíðinda í vestrinu eftir að eins tvo leiki, en þannig er það nú samt. Það hefur væntanlega ekki farið framhjá neinu ykkar sem á annað borð fylgist með NBA að Oklahoma City nær varla í lið lengur vegna meiðsla.

Nú síðast datt hann Russ okkar úr leik vegna handarbrots og verður frá í að minnsta kosti fjórar vikur. Okkur skilst að hann hafi meiðst eftir að hafa rekist utan í Kendrick Perkins liðsfélaga sinn. Ef einhvern tímann var ástæða til að senda þann mann í langt frí...

Oklahoma án Kevin Durant OG Russ?  Gleymdu því, enda byrjar liðið 0-2 og á erfiða daga og vikur í vændum án tveggja af bestu körfuboltamanna í heimi. Fyrir utan það að missa þessa sterku leikmenn, þá kann Oklahoma ekkert að spila án þeirra af því það hefur aldrei þurft að gera það.

Nú ætlum við ekki að detta í einhverja dramatík og halda því fram að Oklahoma komist ekki í úrslitakeppnina eða eitthvað svoleiðis rugl (gúlp!). 

En það er samt morgunljóst að fjarvera Russ og KD þýðir að Oklahoma á nú mjög litla möguleika á toppsætunum í vestrinu og þar með séns á að tryggja sér heimavallarrétt í seinni umferðum úrslitakeppninnar.

Fyrir mörg önnur lið væri þetta grábölvað, en við ætlum að nota þetta tækifæri og segja stuðningsmönnum Oklahoma að hafa engar áhyggjur af þessu. 

Oklahoma er nefnilega orðið það rútínerað og reynslumikið lið þrátt fyrir ungan aldur lykilmanna, að það getur alveg unnið stóra leiki á útivöllum. Það sýndi það t.d. á móti LA Clippers í vor sem leið.

En hvað þýða þessi meiðsli þeirra félaga fyrir Vesturdeildarkapphlaupið?

Sælar stelpur, Bonner hérna

Tweet

Smá abstrakt í boði Stjána

Tweet

Það er fátt eðlilegt við Ronald Jerome "Popeye" Jones, aðstoðarþjálfara Indiana Pacers. 

Hann frákastaði eins og kolkrabbi á sínum tíma og virðist hafa eitthvað vit á körfubolta þó hann líti ekki út fyrir að vera mikið greindari en notuð Nilfisk-ryksuga.

Ekki vann maðurinn í genalottóinu, svona útlitslega séð, en hann er sannarlega kómískur að sjá. Það var staðfest í nótt þegar "Stjáni" bauð upp á þessa tvo stórkostlegu svipi á þeim stutta tíma sem myndavélar ESPN sjónvarpsstöðvarinnar pönnuðu yfir grillið á honum. 

Hversu kjörið er þetta viðurnefni samt? Pop-eye? Stundum er einmitt engu líkara en að augun séu að poppa út úr hausnum á honum.

Fyrst bauð hann upp á þennan lúmska ráðabruggs-Stjána, sem er algjör Dawg!

Og svo hjólar hann í Popp-augun aftur - svona eins og einhver hafi sagt honum að David Moyes hafi verið útnefndur knattspyrnustjóri mánaðarins!

Ah, þessi fagmaður.

Fegurð leiksins (via @snorriorn)

Tweet

Myndarlegir menntskælingar

Tweet

Meira að segja liðsmenn Draumaliðs Bandaríkjanna frá ÓL 1992 voru einu sinni hallærislegir. Hérna fyrir neðan sérðu nokkrar misgáfulegar myndir af nokkrum af bestu körfuboltamönnum sögunnar og fáeinum til. Blessuð menntaskólaárin eru alltaf dálítið spes.

Sjáum þarna til dæmis að John Stockton er nýkominn úr áheyrnarprufu fyrir kvikmyndina Taxi Driver (ísl. Á hálum ís), en en það var að lokum Harvey Keitel sem landaði hlutverki dólgsins. Stockton hefði nú líka rúllað því upp í þessu átfitti.

Þið hljótið að þekkja þá alla.

Keflvíkingar eru í hrikalegu formi

Tweet

Sælar stelpur, Chris Kaman hérna aftur

Tweet

Sælar stelpur, Chris hérna

Tweet

Sælar stelpur, Luke Nevill hérna

Tweet

Tom McMillen (1985)

Tweet

Huggulegustu áhorfendurnir voru í New York

Tweet

Sælar stelpur, Chris hérna (pt. II)

Tweet

Sælar stelpur, Chris hérna

Tweet

Þetta er Chris Kaman, miðherji LA Clippers. Það þarf ekkert að hafa fleiri orð um það.