Ölkær og 86

Tweet

Þessi hressa heiðurskona var úthrópuð (shout-out) á leik Sacramento Kings og Utah Jazz í gærkvöldi. Við náðum ekki nafninu hennar eða af hverju hún kom í mynd í hálfleik nema þó kannski bara af því hún var að drekka Bud Light, en vallarþulurinn fór gjörsamlega á límingunum og öskraði það yfir allan salinn þegar hann sá hvað gjémlöh-gjémlöh var að drekka.

Nei, við náðum ekki nafninu, en daman ku vera 86 ára gömul og grjóthörð stuðningskona Kings. Ætli liggi þá ekki beinast við að spyrja hvort sú gamla var að skála af því hún er laus við Boogie.

Það var amk allt annað að sjá andann í Sacramento-liðinu í nótt en við höfum séð undanfarið. Þetta lið vinnur náttúrulega ekki fjandi marga leiki, enda eru mjög litlir hæfileikar í leikmannahópnum, sem samanstendur af sexhundruð senterum og skrilljón skotbakvörðum.

Sacramento og Leicester eru svo sem ekki einu liðin sem fundið hafa nýtt líf í vikunni. New York-liðið greip einhvern anda í leik sínum við Golden State í gærkvöldi og náði með honum að hanga inni í leiknum allt til loka. Það er svartmálmur að horfa á Knicks, en hæfileikar og pótensjallinn í Kristaps Porzingis tryggja það að öllum getur stokkið bros yfir tilþrifum hans annað slagið, ef þeir pína sig í gegn um leik með sorglegasta stórliði íþróttaheimsins.

Þeir sögðu að Knicks-leikurinn kæmi á hárréttum tíma fyrir Stephen Curry og Klay Thompson; að enginn væri svo kaldur að hann næði sér ekki á strik í leik á móti New York Knicks - hvað þá á fjölum Madison Square Garden.

Jæja, þeir Curry og Thompson hafa oft skotið betur, en þeir hafa líka báðir átt verri leiki og við skulum segja að gárungarnir hafi haft rétt fyrir sér enn eina ferðina. Það er alltaf gott að mæta New York - líka í þessi fáu skipti sem leikmenn Knicks nenna að leggja sig fram.

Leikur New York og Golden State í gærkvöldi var sýndur beint á Stöð 2 Sport 2 og það er gaman að geta þess að NBA-boltinn verður aftur á dagskrá strax á föstudaginn þegar Golden State-liðið verður aftur á ferðinni. Þá sækja Curry og félagar ungt og sprækt lið Minnesota Timberwolves heim, sem ætti að verða afar hressandi leikur. Þar gefst áhorfendum Sportsins tækifæri á að sjá ungstirnið Karl-Anthony Towns leika listir sínar, en þessi ungi miðherji Minnesota er gjörsamlega búinn að fara hamförum að undanförnu. Leikurinn á föstudagskvöldið hefst klukkan eitt eftir miðnætti.

Gute stunde.

































Towns fleygar körfuna hjá Dílaskörfunum...

Dennis Rodman á Vogi

Tweet

Það er hálft ár síðan við sögðum ykkur frá því að Dennis Rodman væri búinn að leggja nafn sitt við áfengistegund sem við kölluðum Pörupiltavodka.

Þar lýstum við yfir áhyggjum okkar af því að þarna væri Rodman sennilega að tryggja sér ævibirgðir af sterku áfengi. Skemmst er frá því að þessar áhyggjur okkar reyndust á rökum reistar, því Rodman er búinn að tékka sig inn í meðferð við áfengissýki.

Umboðsmaður kappans segir að hafi verið bölvað álag á frákastaranum litríka undanfarið, en hann olli sem kunnugt er nokkru fjaðrafoki með heimsóknum sínum til frumstæðari endans á Kóreu um daginn.

Við hér á ritstjórn NBA Ísland sendum Rodman að sjálfssögðu batakveðjur í baráttunni við Bakkus og óskum honum alls hins besta í framtíðinni. Kannski nær hann að slíta vodkasamningnum og díla þá jafnvel frekar um að auglýsa skyrís fyrir Latabæ eða eitthvað í þeim dúr.

Michelle Rodriguez var bláedrú á körfuboltaleik

Tweet

Chris Webber ákvað að vera eðlilegur

Tweet

What can you do?

Tweet

Það er grábölvað að verða vitni að því að Lamar Odom sé ekki aðeins orðinn leiður á körfubolta, heldur lífinu öllu eins og það leggur sig.

Hluta af ógæfunni er reyndar hægt að skrifa á hann sjálfan. Hvaða heilvita maður haldið þið að taki saman við (athygli, vændiskona) úr Kardashian-fjölskyldunni? Og verandi þunglyndur fyrir.

Okkur brá þegar við sáum nýjustu myndirnar af Lamar karlinum. Það er eins og hann hafi horast og sé hálf tekinn í framan. Sagan segir að hann hafi verið að taka á því í fíkniefnadeildinni. Það er hraðbraut til helvítis.

Einn af sölumönnum dauðans heldur því fram að Odom hafi mokað kóki fyrir sex milljónir króna í ranann á sér á þremur árum.

Dónalegt að segja það, en útlitið á Odom minnti okkur dálítið á enska miðjumanninn Paul Gascoigne þegar hann horaðist upp í neysluköstunum sínum.

Neyslukast er ekki alvöru orð, en við finnum ekkert betra til að lýsa veikindum Gazza. Hann tekur fíkn og misnotkun á svo miklu hærra plan en venjulegir fíklar og alkohólistar.

Gazza gæti fyrirvaralaust byrjað að misnota bláan Ópal eða brokkolí. Hann er það veikur einstaklingur.

Eins og áður sagði, er því haldið fram að Odom sé búinn að vera í kókaínneyslu í allt að þrjú ár.

Besta dæmið því til stuðnings er að framherjinn drullaði einmitt gjörsamlega í buxurnar sem leikmaður á svipuðum tíma og meint neysla hans á að hafa byrjað.

Odom átti frábært tímabil árið 2010-11 sem var hans síðasta með Los Angeles Lakers, en þegar honum var svo skyndilega skipt til Dallas, hrundi tilvera hans á einu bretti og ástríða hans fyrir körfubolta sömuleiðis. Þessi gæðaleikmaður varð skyndilega labbakútur.

Síðan hefur heldur hallað undan fæti hjá vini okkar, sem er nú bókstaflega kominn í ruglið er marka má fréttir af eiturlyfjaneyslu hans, þunglyndi og Kardashian-raunum.

Þetta er leiðindamál, því Odom er góður strákur. Við vitnum því bara í Tony Soprano:

"Hvað getur maður svo sem gert?"

Þessi Bud er ætlaður þér

Tweet

Gleðilega þjóðhátíð

Tweet

Pörupiltavodki Denna Dæmalausa

Tweet

Ólíkindatólið Dennis Rodman er jafnan með puttana í öllu sem hann kemst yfir og nýjasta trixið hjá kappanum er að leggja nafn sitt við áfengistegund sem frumsýnd verður í lok mánaðarins.

Um er að ræða Vodka sem fengið hefur nafnið "Bad Boy" (ís. Pörupiltavodka) og samkvæmt fréttatilkynningu frá Rodman er hann "beittur á bragðið, en um leið klassískur - ég í hnotskurn."

Drykkurinn kemur í hillurnar þann 27. júlí í Kaliforníu. Þetta þýðir væntanlega að Rodman verður ekki áfengislaus næstu árin, jafnvel þó hann verði blankur. Þetta eru... vafasöm tíðindi.

Meistararnir losuðu 12 milljónir á barnum

Tweet

Tvöfaldir meistarar Miami Heat héldu að sjálfssögðu vel upp á sigurinn á San Antonio í lokaúrslitum NBA deildarinnar á fimmtudagskvöldið. Þegar búið var að skvetta öllu kampavíni sem til var í búninngsklefanum langt upp á loft og veggi, var haldið á næturklúbbinn Story (Hótel Sögu).

Þar hélt keyrslan áfram fram undir morgun og rekningurinn á barnum fór yfir tólf milljónir króna. Innifalið í því voru einar 100 flöskur af Domma. Pollrólegt. Eigandi Story gerði sér svo lítið fyrir og reif reikninginn og sagði að veigarnar væru í boði hússins. Alvöru maður.

Hérna eru nokkrar myndir af leikmönnum Miami og viðhengjum á tjúttinu á fimmtudagskvöldið. Þar má sjá leikmenn Heat með rapparanum Digranes-Drake og þá rak Danny Green hjá Spurs inn nefið og heilsaði upp á meistarana.

Neðsta myndin er af Dwyane Wade daginn eftir djammið og ekki laust við að hann virki dálítið timbraður.  Efsta myndin er hinsvegar af Shane Battier og fylgdarliði hans, sem gerði sér heldur betur dagamun og skellti sér á Denny´s til að halda upp á titilinn. Grjótharður nagli sem lifir á brúninni.

Stephen Jackson veldur ekki vonbrigðum

Tweet

Stephen Jackson er alveg þræleðlilegur einstaklingur. Við mælum með því að þeir sem hafa gaman af umræðum um uppþot, skotvopn, óeirðir og ofbeldi horfi á þetta skemmtilega viðtal við hann. Dásamlega bilaður náungi.

Vafasamir leikstjórar New York Knicks

Tweet

Linveikitímabilinu er lokið í New York.

Hinn Asíuættaði ofurheili Jeremy Lin er farinn til Texas, þar sem hann fær fáránleg laun næstu þrjú árin.

Við erum sammála Carmelo Anthony með fáránlegu launin og það verður örugglega í fyrsta og eina skiptið sem við verðum sammála Melo.

Við stjórnartaumum og leikstjórn hjá Knicks taka því þeir Raymond Felton og Jason Kidd.

Raymond Felton er í verra formi en Everybody Loves Raymond og er hreint út sagt FEITUR.

Nei, svona í alvöru - hann er spikfeitur! Heimilislæknirinn hans er búinn að segja honum að hann verði að kötta niður á mæjónesinu - hann sé í lífshættu. Það er með ólíkindum að þessi maður fái vinnu í NBA, ekki síst í ljósi þess hve glæpsamlega lélegur hann var á síðustu leiktíð.

Helvíti metnaðarfullur leikmaður.

En sem betur fer hefur New York Jason Kidd. Alltaf hægt að treysta á fertuga fagmenn sem hafa séð þetta allt áður, hugsa vel um sig og kunna að vinna.

Nema kannski þegar þeir skella sér út korteri eftir að þeir skrifa undir nýjan samning, drekka sig á felguna og láta svo hirða sig Á RASSGATINU og gjöreyðileggja bílinn í árekstri.

Þetta er New York Knicks og þetta er það sem félagið ætlar að bjóða upp á í vetur.

Bara nokkur atriði sem undirstrika af hverju Carmelo Anthony og Amare Stoudemire verða aldrei NBA meistarar.

Alltaf finnum við jafn mikið til með stuðningsmönnum þessa liðs.

Skamm, Jason Kidd

Tweet

Ron Ron Dong

Tweet

Ron Artest er búinn að vera allt of stilltur undanfarið.
Nú er komin mynd á netið. Hann neitar að sjálfssögðu öllu.
Verður gaman að sjá hvernig þetta mál þróast.
Ekki eins og sé eitthvað annað að gerast í NBA.
Verðum að láta okkur nægja óstaðfestar Dong-fréttir.

DeShawn Stevenson drekkur áfengi

Tweet

Svona lítur DeShawn Stevenson út þegar búið er að handtaka hann, ráfandi um ofurölvi.

Og svona lítur hann út á prófílmyndinni sinni á helstu körfuboltasíðum.

Er óhætt að áætla að hann hafi verið drukknari þegar prófílmyndin var tekin?