Nýjustu Nets

Tweet

Miklar breytingar hjá Dallas

Tweet

Það er erfiður vetur fram undan hjá Dallas þó liðið hafi unnið góðan útisigur á Lakers í fyrsta leik án lykilmanna. Jason Terry er farinn og Dirk Nowitzki missir af fyrstu leikjum tímabilsins. Það gæti orðið til þess að liðið missti keppinauta sína fram úr sér í harðri Vesturdeildinni.

Það er ekkert grín að taka Dirk og Terry út úr samhenginu hjá Dallas. Terry, sem nú er leikmaður Boston Celtics eins og flestir vita, skoraði 267 stig Dallas í fjórða leikhluta á síðustu leiktíð.

Dirk Nowitzki kom fast á hæla honum með 235 stig og það segir þér kannski ekki mikið, en þriðji stigahæsti leikmaður Dallas Mavericks í fjórða leikhluta á síðustu leiktíð var Rodrigue Beaubois með 118. Ansi mikill munur þarna.

Terry og Dirk skoruðu 54 stig á síðustu tveimur mínútum leikja fyrir Dallas á síðustu leiktíð. Næst þar á eftir? Shawn Marion, með 11 stig. Ellefu.

Á síðustu tveimur árum, hafa 67% skota Dallas í krönsinu (innan við tvær mín. eftir og 4 stiga munur í leiknum eða minna) verið tekin af Dirk Nowitzki eða Jason Terry. Og þeir eru báðir mjög hagkvæmir sóknarmenn á tölfræðimáli.

Auðvitað fylla OJ Mayo, Darren Collison og fleiri leikmenn upp í eitthvað af þessu, Dallas er nú einu sinni með einn allra besta þjálfarann í deildinni. Þessi tölfræði sýnir hinsvegar svart á hvítu að breytinga er að vænta hjá Dallas, sérstaklega meðan Nowitzki er frá keppni.

Ef þessar breytingar skila sér ekki, gæti Dallas átt á hættu að missa af úrslitakeppninni í fyrsta sinn í tólf ár. Fátt sem Vince Carter getur gert til að sporna við því.

Fjölmiðladagurinn: Celtics

Tweet

Fjölmiðladagurinn árlegi í NBA deildinni fór fram mánudaginn 1. október. NBA Ísland kíkti í heimsókn til nokkurra liða í deildinni og lagði fram nokkrar athugasemdir, hvort sem það var viðeigandi eða ekki. Þetta tekur nokkrar færslur og í þeirri síðustu tökum við saman skemmtilegustu myndir fjölmiðladagsins 2012.    

Fyndið að sjá Darko hjá Celtics. Í treyju númer 99. Þetta skrifar sig sjálft.

Boston á við 99 vandamál að stríða en Jason Terry er ekki eitt þeirra.

Jason Terry er hinsvegar enginn jóker. Hann er jákvæðasti leikmaður í NBA deildinni, hefur sannað sig á stóra sviðinu, spilar með púka á öxlinni (Dallas vildi hann ekki) og er góður liðsfélagi. Hann á eftir að smella inn í Boston-liðið og fylla skarð Ray Allen meira en tvisvar sinnum.

Það er ekki talað mikið um það, en enginn leikmaður í NBA deildinni er með betri tölfræði en Jason Terry á lokamínútum leikja síðustu tvö ár. Kemur raunar enginn nálægt honum.

Við vorum aldrei svo hrifin af Jet en lærðum að elska hann út af þeim góða anda sem alltaf gusaðist af honum. Terry sprakk svo út þegar Dallas vann titilinn og neyddi okkur öll til að viðurkenna að hann var bara drulluflottur spilari. Ekki oft sem svona gerist, en dásamlegt engu að síður.

Nóg um það. Hér eru myndir af Jason Terry og hvítum gaurum.

JET í grænu - tekur treyju #4

Tweet

Dallas-menn skemmtu sér á kunnuglegu hóteli

Tweet

Það gengur erfiðlega hjá okkur að ná utan um það sem gerðist í gær. Að Dallas sé orðið NBA meistari. Við glímum við heilsubrest.

Hversu stórkostlegt er það samt að Dallas hafi gist á sama hóteli og það gisti á árið 2006 þegar það tapaði þremur leikjum í röð gegn Miami í úrslitunum. Avery Johnson lét leikmenn reyndar flytja út af hótelinu þegar þeir höfðu tapað leikjum þrjú og fjögur í það skiptið.

Dallas-menn eru ekki hjátrúarfullir og ákváðu að gista aftur á Fontainebleau hótelinu í Miami og héldu þar smá fyrirpartý áður en þeir fóru út á lífið eftir sigurinn í gær. Þetta Fontainebleau hótel var í fréttunum fyrir ekki margt löngu þegar mamma hans LeBron James veittist þar ölvuð að starfsmanni sem vildi ekki færa henni bílinn hennar. Svona er... heimurinn lítill stundum.

Hey, kíktu á myndir úr gleðinni, þar sem m.a. má sjá viðurstyggðina Lil Wayne og Dirk Nowitzki með áhugaverð gleraugu að þamba böbblí af stút. Mynd tvö sýnir svo annað hvort að Jason Terry er með blindan klæðskera eða að hann hefur laumað sér í jakkann hans Brian Cardinal. Neðsta myndin gæti auðveldlega heitið MAFS.