Giannis Skotbómakounmpo

Tweet

Hin mörgu andlit Kawhi Leonard

Tweet

Sjöundi mest pirrandi hlutur á jörðinni

Tweet

Það eru öryggisverðir úti um allt á NBA leikjum. Þetta eru ekki lögregluþjónar, ekki hermenn, ekki lífverðir. Þetta er alveg sérstakur þjóðflokkur, yfirgengilega amerískur. Þetta eru í mörgum tilvikum offitusjúklingar og ellilífeyrisþegar, sem þar af leiðandi eru álíka traustvekjandi og framsóknarmaður tengdur við lygamæli.

Hlutverk þessa fólks er annars vegar að standa illa gerðir hlutir í hallærislegum einkennisbúningum sínum og hinsvegar að lóðsa leikmenn af vellinum og inn í átt að búningsklefanum - hvort sem er eftir að leik lýkur með hefðbundnum hætti eða leikmaðurinn jafnvel er rekinn af velli.

Eitt hefur alltaf farið óheyrilega í taugarnar á okkur við þetta blessaða fólk og það er að það virðist ekki með nokkru móti geta sinnt þessu asnalega hlutverki sínu nema styðja höndinni á bakið á leikmanninum sem það er að fylgja út af vellinum. Hvort sem hann er að labba spakur og rólegur af velli, eða er jafnvel æstur og reiður eftir að hafa fengið reisupassann.

Þetta litla smáatriði virðist vera fastur hluti af hverjum einasta NBA leik og eftir stutta en vísindalega könnun höfum við komist að því að það eru í mesta lagi sex hlutir í veröldinni sem fara meira í taugarnar á okkur.

Er ekki alveg í fokkíng lagi!?!  Hvað er að þessu fólki? Heldur það bara alveg í alvörunni að það VERÐI bara að ýta tveggja metra háum heimsklassa íþróttamanni út af vellinum og inn í klefa - af því hann getur það ekki sjálfur þá, eða???

Það hafa allir sem æfa boltaíþróttir lent í því að hafa stokkið upp á nef sér og lent í smávægilegum ryskingum eða pústrum, þar sem fólk hefur jafnvel þurft að ganga inn á milli (hoooold me back!) og stilla til friðar.*

En hvað er það sem er meira pirrandi heldur en gaurinn sem tæklaði þig upp í hálsinn á fótboltaæfingunni eða hrinti þér á markstöngina á körfuboltaæfingunni?  Jú, gaurinn sem ætlar að fara að labba með þig eitthvað sem þú ætlar ekkert að fara - þegar þú ert æst(ur) í skapi.

Þetta er atvinna dyravarða dauðans í NBA deildinni. Fyrir utan það að standa eins og hálfvitar og stara út í loftið, er það eina físíska sem þetta fólk gerir - að styðja hendinni á bakið á atvinnumönnum í körfubolta og ýta þeim. Ekki leiðbeina þeim, þeir vita alveg hvert þeir eru að fokkíng fara - nei, ýta þeim inn í búningsklefa, jafnvel á þeirra eigin heimavelli!

Enn og aftur dáumst við að blíðlyndi og jafnaðargeði NBA leikmanna - við verðum bara að segja það. Við gætum verið í besta skapi í heimi þann daginn, en svo kemur einhver svona einfrumungur og fer að káfa á okkur - ýta okkur út af vellinum!

Er ekki í &$+&$*?# lagi???

Hvernig ætli þessu ágæta fólki myndi líða ef einhver gaur myndi allt í einu birtast í vinnunni hjá því og byrja að sleikja á því eyrun? Þetta er engu skárra.

Eins og Stephen Curry og Draymond Green hafi ekki verið NÓGU pirraðir eftir að hafa þurft að horfa á eftir sigurgöngunni sinni upp í fjósið á Milwaukee flippin Bökks í nótt - kemur ekki eitt svona guðsvolað viðrinið og byrjar að káfa á þeim - ýta þeim út af.

Þetta er mannréttindabrot. Svona fólk á bara að fá högg, sko.

------------------------------------------------------------------------------------------------

* - Óheppinn þú ef þú hefur aldrei lent í smá axjóni á æfingu. Það er hollt, eflir anda og styrkir skapgerð, svo framarlega sem þetta fer ekki út í eitthvað rugl - við erum ekki að mæla með slíku.

Áhrif meiðslaplágunnar á úrslitakeppnina í NBA

Tweet

Það var kominn tími á að einhver settist niður og tæki saman lista yfir öll meiðslin sem eru í gangi í NBA deildinni. Við nennum því að sjálfssögðu ekki, en það þýðir ekki að við getum ekki komið leikmanninum í skilning um hvað þetta er alvarlegt mál.

Skiptar skoðanir eru á því hvaða lið geti talist góð eða léleg, sumir nota úrslitakeppnina til að finna einhverja línu til að vinna með í því sambandi. Við förum ekki í slíkan formalisma. Við förum eftir eðlisávísun - og samkvæmt henni eru þrettán lið í NBA deildinni sem skipta einhverju máli, eru relevant og sæmilega sterk. Lausleg talning okkar leiddi í ljós að það eru eitthvað í kring um 25 leikmenn meiddir í þessum þrettán liðum, sem þýðir tveir menn á hvert lið og það er alveg helvíti eðlilegt bara.

Meiðsli eru afar flókið fyrirbæri og því best að skilgreina það áður en við höldum áfram. Meiddur leikmaður - í okkar bókum - getur verið að glíma við nokkrar tegundir af meiðslum eða verið á misjöfnum stöðum í meiðslaferlinu.

Verstu meiðslin eru auðvitað "sjáumst kannski næsta vetur" eins og fótbrotið hans Paul George hjá Indiana í fyrra og hásinarslit Kobe Bryant og Wesley Matthews hjá Portland. Við erum ekki að bera saman fótbrot og hásinarslit, aðeins að sýna ykkur hvernig meiðsli fara í þyngsta og versta flokkinn. Nokkrir leikmenn í NBA eru að díla við vona erfið meiðsli, en þeir eru sem betur fer ekki mjög margir.

Næsti flokkur fyrir neðan eru meiðsli sem tekur nokkra mánuði að laga. Slík meiðsli eru að hrella nokkuð marga leikmenn í NBA deildinni og það að þurfa í uppskurð og tveggja eða þriggja mánaða endurhæfingu þýðir náttúrulega að þú sért úr leik á tímabilinu ef meiðslin koma t.d. eftir Stjörnuleik.

Næsta þrep er menn sem eru að spila meiddir. Allir leikmenn í NBA eru að drepast í skrokknum á lágmark þremur stöðum öllum stundum. Hér erum við tala um menn eins og Kyle Lowry hjá Toronto sem var augljóslega meiddur og spilaði hræðilega í einvíginu við Wiz, Tony Parker hjá Spurs sem var að glíma við sautján mismunandi krankleika og Paul Millsap hjá Atlanta, sem er augljóslega ekki alveg í lagi vegna axlarmeiðslunum sem hann varð fyrir korter í úrslitakeppni (auðvitað).

Síðasta tegundin er svo menn sem eru að koma til baka eftir stutt- eða langvarandi meiðsli en eiga langt í land með úthald, leikæfingu og almennan riðþma fyrir leiknum. Dæmi um þetta eru menn eins og Tiago Splitter hjá San Antonio og okkur liggur við að segja að Derrick Rose sé búin að vera í svona ferli mánuðum saman, aftur og aftur.

Jæja, þá vitið þið hvað við eigum við þegar við tölum um meiðsli og hvað þau þýða fyrir klúbbana. Þetta er ekki skemmtileg upptalning eða upplífgandi en kannski verður það eins og að skila skattframtali eða koma heim frá tannlækninum þegar þetta er afstaðið - fyrst og fremst léttir.

Eins og við tókum fram í byrjun, nennum við ekki að skrifa skýrslu um hvern einasta leikmann sem er meiddur, það er líka ákaflega niðurdrepandi verkefni. Þess í stað ákváðum við að grípa í grafíkina og bjóða upp á eitthvað sem er örugglega með dýrari og betri Photoshop-vinnu sem þú hefur séð. Þurfum við eitthvað að ræða plástrana á efstu myndinni? Slakaðu bara á og njóttu augnabliksins meðan þú horfir á þessa dýrð.

Við settum inn stöðutöfluna í austri og vestri með tíu efstu liðunum. Ef er merki á eftir nafninu á liðinu þínu, þá er það relevant - að gera eitthvað. Ekkert merki þýðir eiginlega nákvæmlega það - ekkert - þetta eru lið sem fara frá því að vera lélegt drasl og upp í bleh. Þið takið eftir því að við setjum Washington í bleh-flokkinn og það er af því þetta lið er ekki búið að gera neitt. Það getur vel verið að það geri eitthvað í úrslitakeppninni núna, en það kemur þessu tiltekna máli ekkert við.

Hendurnar á Rudy Gobert koma við körfubolta

Tweet

Rudy Gobert er að fá að spila nokkrar mínútur með franska landsliðinu. Hann er með eitt mesta vænghaf sem mælst hefur í NBA deildinni og forráðamenn Jazz eru bjartsýnir á að geta gert úr honum leikmann. Í versta falli þokkalegan varnarmann. Hann er jafnhár og Natvélin (218 sm)

Zach Lowe á Grantland skrifaði nokkur orð um Gobert og framtíðarhorfur hans sem leikmanns í dag. Það eru auðvitað allir að reyna að finna sér næsta Tyson Chandler - þennan mann sem er svo mikilvægur í NBA í dag - stóran mann sem er fljótur á fótunum, passar hringinn og klárar viðstöðulaust.

Þvílíkur lottóvinningur að vera sjö feta hár íþróttamaður með greindarvísitölu yfir 80. Þá þarftu ekki að hafa áhyggjur af fjármálunum í framtíðinni.

Sjáðu reglustikuna hérna fyrir neðan.

Þetta er það sem Gobert vantar upp á að geta snert körfuhringinn þegar hann stendur flötum fótum undir körfunni. Þarf sem sagt ekki að vippa sér hátt upp á tærnar til að snerta járnið.

Þvílíkur kolkrabbi.

Furður veraldar

Tweet

Chris Webber ákvað að vera eðlilegur

Tweet

Franski Albatrosinn

Tweet

Þetta er Rudy Gobert, nýliði Utah Jazz. Stefnan hjá félaginu var að drafta hann og koma honum svo í fóstur einhvers staðar á meðan hann væri að læra körfubolta. Hann er hinsvegar búinn að vera svo góður nemandi að vera má að hann fái einhverjar mínútur í NBA deildinni í vetur.

Það sem er sérstakt við Gobert er vænghafið, sem ku vera það mesta í sögu nýliðavalsins. Frakkinn ungi er 218 sentimetrar á hæð og getur teygt sig upp í 292 sentimetra. Það þýðir að hann vantar svona mikið upp á að snerta hringinn ef hann stendur undir körfunni:

Hann þarf sem sé bara að standa á tánum til að koma við körfuhringinn. Flest fólk kemur aldrei við körfuhring í réttri hæð á ævi sinni - Gobert þarf að gæta þess að reka hausinn ekki í hann.

Stökkkrafti og sentimetrum er gróflega misskipt í samfélagi manna.

Best að skipta bara um hendi

Tweet

Tristan Thompson hjá Cleveland Cavaliers er búinn að vera ósáttur við hittnina hjá sér síðan hann var valinn fjórði í nýliðavalinu árið 2011. Svo ósáttur, að hann ætlar jú að skipta um skothendi!

Thompson hefur hingað til skotið með vinstri hendi, en er nú þegar byrjaður að skjóta með þeirri hægri. Pilturinn er það sem við köllum jafnhentur, en svona lagað er líklega einsdæmi í NBA deildinni. "Ég er allur í rugli. Ég er enn að reyna að finna inn á þetta," segir Thompson, sem skrifar með vinstri en tannburstar sig með hægri.

JamesOn saga Curry

Tweet

JamesOn Curry fæddist í Norður-Karólínu árið 1986. Hann lék með Oklahoma State háskólanum og Chicago tók hann í nýliðavalinu árið 2007.

Hann spilaði þó aldrei leik fyrir Chicago en fékk séns á tíu daga samningi með Los Angeles Clippers árið 2010 eftir að hafa spilað í D-deildinni, á Kýpur og í Frakklandi.

Draumurinn varð að veruleika þegar hann kom inn á í 3,9 sekúndur í leik Clippers og Celtics. Lengri varð ferill hans ekki í NBA deildinni - hann var látinn fara daginn eftir.

Sumir segja að Clippers hafi þurft að greiða Curry fullt lágmarkskaup fyrir þessar tæpu fjórar sekúndur sínar, en aðrir segja að það hafi verið minna. Heimildum okkar ber því ekki saman, en okkur þykir ljóst að hann fékk annað hvort 3,1 milljónir króna á sekúndu eða 14 milljónir króna á sekúndu fyrir spilamennsku sína.

Sama hvora töluna þú tekur, er það ansi hreint gott kaup.

Við vitum ekki til þess að leikmaður hafi átt styttri feril en 3,9 sekúndur í NBA deildinni, en það borgar sig ekki að vanmeta einstakling sem heitir JamesOn - svo mikið er víst.

Hugleiðing

Tweet

Af hverju er Golden State að vinna körfuboltaleiki?

Tweet

Merkilegir hlutir eru að gerast í körfuboltanum í Oakland þessa dagana. Þó er kannski rangt að segja að þessir hlutir séu að gerast í Oakland. Þeir eru að gerast víða um Bandaríkin og koma sannarlega á óvart.

Golden State Warriors er nefnilega allt í einu farið að vinna körfuboltaleiki og það ekki síst á útivöllum. Liðið vann sinn fjórða útisigur í röð á erfiðu sjö leikja keppnisferðalagi í nótt þegar það skellti Charlotte "Við erum ekkert svo að fara að enda leiktíðina 7-75" Bobcats, 104-96.

Golden State hefur því tryggt sér yfir 50% vinningshlutfall á 7+ leikja keppnisferðalagi í fyrsta skipti síðan leiktíðina 1970-71.

Þessi fjögurra leikja sigurganga Warriors er sú lengsta á tímabilinu og aðeins San Antonio (11-2) hefur byrjað betur á útivelli en Golden State (8-4).

Þessir átta sigrar í fyrstu tólf útileikjum Warriors er besta útivallabyrjun liðsins síðan leiktíðina 1993-94.

Sigur Warriors (14-7) á Bobcats tryggði að lokum bestu byrjun liðsins í deildakeppninni síðan leiktíðina 1991-92.  Já, það eru um það bil tuttugu ár síðan körfuboltaþenkjandi Oakland-búar hafa verið svona glaðir að hausti.

Í tilefni af þessari litlu rispu Warriors ákváðum við að kíkja aðeins í bækurnar og komumst að raun um að þessi fjögurra leikja sigurganga liðsins - og sjö sigrar í síðustu átta leikjum - er besti árangur liðsins síðan haustið 2007 þegar það vann fimm leiki í röð og átta af níu.

Það er þó aldrei langt í grínið þegar þessi ágæti klúbbur á í hlut, því liðið hóf leiktíðina haustið 2007 á því að tapa fyrstu sex leikjunum áður en það náði ofangreindri rispu. Þetta félag er með ólíkindum.

Það var auðvitað Stephen Curry sem fór fyrir Warriors í sigrinum á Kisunum í nótt þegar hann skilaði mjög svo Curry-legri 27/7/7 línu.

 Merkilegt hvað þessi rúmlega 30 kílóa piltur nær alltaf að skila af fráköstum, en hann er með fjögur að meðaltali í leik auk sex stoðsendinga og tæplega 18 stiga á ferlinum og er að hóta því að skila 20 stigum í leik í fyrsta skiptið á ferlinum í ár.

Eins og nánast alltaf þegar lið stíga upp úr flórnum og fara að vinna leiki, eru það varnarleikur og fráköst sem eru að skapa velgengni Golden State, en liðið er nú samt að fá tölfræðigúrúa til að klóra sér ansi fast í hausnum í vetur. Þeir botna ekkert í því af hverju liðinu gengur svona vel.

Ykkur er óhætt að bæta okkur á þann lista - Golden State hefur ekkert með það að gera að vinna 14 af 21 leik. Ekki undir neinum kringumstæðum.

Eins og alltaf, alltaf, alltaf, hanga lágmark ein alvarleg meiðsli eins og draugur á liði Golden State. Það er í meira lagi sorglegt að lesa línurnar "og þetta er þeim að takast án Andrew Bogut" í hverri einustu umfjöllun um liðið.

Bogut myndi styrkja liðið mikið ef hans nyti við, en við óttumst að það sama sé í gangi hjá Bogut og Andrew Bynum og ráðleggjum stuðningsmönnum Warriors að halda nú ekki niðri í sér andanum meðan þeir bíða eftir að Balkanskaga-Ástralinn skemmtilegi nái sér af einhverjum af þeim 1300 meiðslum sem hrjá hann.

Nú höfum við ekki horft mikið á Golden State spila í vetur, raunar ekki nema örfáar mínútur, en það þýðir ekki að við getum ekki myndað okkur skoðanir á ástæðunum að baki nýfundinni velgengni liðsins. Skárra væri það nú. Þú veist að við hötum nú ekki að freta einhverjum órökstuddum skoðunum út í loftið.

Við höfum minna en enga trú á Mark Jackson sem þjálfara, svo við ætlum ekki að þakka honum viðsnúninginn. Jackson er ekki annað en þeldökkur Vinny del Negro í okkar bókum. Afsakið orðbragðið.

Nei, við ætlum freka að henda Ewing-kenningu á Monta Ellis.

Sá skotóði og skemmtilegi bakvörður fór eins og flestir vita til Milwaukee í skiptum fyrir Andrew Bogut (og fleira) og svo virðist vera að það hafi haft þessi fínu áhrif á Warriors, jafnvel þó Bogut spili ekki neitt.

Tölfræðingar hafa alla tíð haft uppi efasemdir um hagkvæmni þess að vera með lágvaxinn og óhemju skotglaðan mann í skotbakvarðarstöðunni og aumingja Milwaukee er að heita má komið með tvo slíka, því seint verður Brandon Jennings ruglað saman við John Stockton þegar kemur að leikstjórn og listinni að gefa boltann.

Milwaukee getur unnið hvaða lið sem er hvenær sem er eins og Boston og Brooklyn fengu að vita á dögunum, en oftar en ekki skjóta þeir Ellis og Jennings liðið sitt út úr leikjum en inn í þá þó þeir séu mjög erfiðir viðureignar fyrir hvaða bakverði sem er.

Auðvitað er það bilun að kenna Monta einum um þennan viðsnúning hjá Golden State, því liðið er jú líka með unga og efnilega leikmenn eins og Klay Thompson og Harrison Barnes í bland við fína rulluspilara eins og Jarrett Jack og Carl Landry.

Við ætlum samt að kenna aumingja Ellis um þetta allt saman, eins og kvikindin sem við erum.

Við könnumst við nokkra stuðningsmenn Golden State Warriors á Íslandi.

Þetta eru oftar en ekki menn á besta aldri sem festust í neti Oakland liðsins þegar það hafði Run-TMC gengið í sínum röðum í kring um 1990.

Það hefur ekki verið neitt grín að halda með þessu liði síðan og ef þetta það verður á einhvern hátt samkvæmt sjálfu sér, verða þeir Steph Curry og David Lee væntanlega báðir komnir í gifs áður en við vitum af. Ekki síst eftir að hafa fengið svona gott jinx frá ritstjórn NBA Ísland.

Við vonum nú samt að Golden State pappíri sig og nái sér einu sinni á strik, fjandakornið. Það er nú kominn tími á það og stuðningsmennirnir eiga það skilið, enda með þeim hollari og betri í gervallri NBA deildinni.

Við erum fjarri því búin að fyrirgefa Warriors að tapa nær öllum leikjum sínum viljandi á síðustu leiktíð til að missa ekki valréttinn sinn frá sér, en okkur gruar að Körfuboltaguðirnir sjái til þess að jafnt verði í spilunum þegar yfir lýkur.

Það er venjulega þannig, nema einna helst þegar San Antonio á í hlut.

P.s. - Á neðstu myndinni í færslunni má sjá Stephen Curry sem barn í kjöltu föður síns Dell Curry sem var heimsklassa skotmaður á sínum tíma. Við hlið Curry-feðga situr Mitch Richmond úr Run-TMC genginu og sá gráhærði á bakvið er Don Nelson, sem þjálfaði Warriors-liðið með þá Mullin, Richmond og Hardaway.

Kettirnir og fræga fólkið

Tweet

Fjölmiðladagurinn: Spurs

Tweet

Fjölmiðladagurinn árlegi í NBA deildinni fór fram mánudaginn 1. október. 

NBA Ísland kíkti í heimsókn til nokkurra liða í deildinni og lagði fram nokkrar athugasemdir, hvort sem það var viðeigandi eða ekki. Þetta tekur nokkrar færslur og í þeirri síðustu tökum við saman skemmtilegustu myndir fjölmiðladagsins 2012.

Þau voru ekki mörg liðin í NBA sem gerðu ekkert í sumar, en San Antonio er eitt þeirra.

Við köllum það að gera ekki neitt að semja við Eddy Curry.

San Antonio tapaði óskiljanlega fjórum leikjum í röð gegn Oklahoma City og féll úr leik í úrslitakeppninni í vor eftir að hafa unnið tuttugu leiki í röð.

Eddy Curry tryggir að það kemur sko ekki fyrir aftur!

Það er hætt að vera fyndið og orðið sorglegt hvað sagan er alltaf nákvæmlega sú sama með Eddy Curry á haustin.

 "Hann var mjög duglegur að æfa í allt sumar og er búinn að léttast gríðarlega mikið. Það er allt annað að sjá hann. Hann er tilbúinn í slaginn og gæti hjálpað liði X verulega í vetur."

Aumkunarvert rugl. Það er með öllum og algjörum ólíkindum að þetta hvalhræ skuli enn reka á fjörur atvinnuliða í körfubolta. Þetta er skömm fyrir sportið. Ekki Karabatic-skömm, en þú skilur eflaust hvað við erum að meina.

Svarið við spurningunni er já

Tweet

LeBron James og það sem við eigum til að gleyma

Tweet

LeBron James er óhemju góður körfuboltamaður og nokkuð umdeildur einstaklingur.

Samkvæmt óvísindalegri könnun okkar hérna á ritstjórninn, er umfjöllun um James í fjölmiðlum aðeins í 27% tilvika beintengd spilamennsku hans í það og það skiptið.

Meira blek fer í að fjalla um drenginn persónulega, ákvarðanatöku hans, veikleika og gjarnan er dregin upp frekar dökk mynd af möguleikum hans á að ná árangri í atvinnu sinni í framtíðinni.

Við höfum komið inn á þennan punkt áður. Það er ekki víst að nokkur leikmaður hafi fengið jafn litla athygli fyrir jafn frábæra spilamennsku og LeBron James fær í dag. Tímabilið er reyndar aðeins hálfnað, en James er að skila tölfræði sem hefur ekki oft sést í annálum deildarinnar.

Eitt á það til að gleymast í öllu þessu fári. Það er að James er einhver stórkostlegasti íþróttamaður sem komið hefur fram á sjónarsviðið í heiminum. Þetta eru stór orð en pilturinn stendur undir þeim. Við verðum bara að vekja athygli á þessu aftur og trúlega ekki í síðasta skiptið.

Það er ekki með nokkru móti eðlilegt að maður vel yfir 200 sentimetra á hæð geti hreyft sig eins og James. Það var enginn mánudagur þegar genunum var raðað saman í þetta eintak sem hann er, jafnvel þó hún móðir hans hafi mögulega verið vel í glasi þegar hann var getinn.

James meiðist sjaldan og býr yfir blöndu af hraða snerpu, jafnvægi og styrk sem líklega hefði nægt til að gera hann að afreksmanni í flestum íþróttagreinum sem til eru.

Ímyndaðu þér bara LeBron James sem skyttu í handbolta, miðvörð í knattspyrnu, sem sundmann (án gríns) eða blakmann. Margir telja að hann hefði orðið frábær ruðningskappi og óhætt er að slá því föstu að hann hefði orðið rosalegur í tugþraut.

Okkur rak í rogastans þegar við sáum myndina sem við notuðum til að skreyta þessa færslu.

Horfðu á hana í smá stund og leiddu hugann að því hvað er í gangi þarna. Við gerum öll allt of lítið af því að staldra við og þefa af kaffinu á þessari öld hraða og snarminnkandi athygli.

Þetta, gott fólk, er rugl.