Fyrirsögn sem gefur til kynna að þrír menn varpi körfuboltum gjarnan í körfur með ágætum árangri

Tweet

Gissur Gullrass á Grantland skrifaði stutta hugleiðingu um það sem hann telur bestu skytturnar í NBA deildinni. Fínt hjá honum. Eina ástæðan fyrir því að við minnumst á þetta er að okkur langar svo að sýna ykkur grafíkina sem fylgdi með og taka kredit fyrir hvað hún er sniðug og hugguleg. Það nær ekki nokkurri átt hvað Dirk er skotviss. Ekki halda að þetta sé eitthvað eðlileg tölfræði sem maðurinn er að bjóða upp á. Schnauze!

Steve Nash neitar að gefast upp

Tweet

Grantland hefur verið að fylgja Steve Nash eftir í endurhæfingunni hjá Lakers. Hann heldur fast í drauminn um að fá að vera sæmilega heill í einhvern tíma svo hann geti gefið fólkinu eitthvað fyrir peninginn. Nash hefði ekki náð eins langt og raun ber vitni ef hann væri ekki baráttumaður. Kíktu endilega á myndbandið hérna fyrir neðan, þar sem þú getur meira að segja fengið að fylgjast með því hvernig Nash fær sprautur á kaf í anusinn á sér.