Pele tapar aftur

Tweet

Þeir voru óskaplega kasjúal á því, Pele og Beckenbauer, þegar þeir sturtuðu sig í búningsherbergi New York Cosmos árið 1977. Glöggir taka eftir því að á myndina vantar besta knattspyrnumann sögunnar, Diego Maradona. Diego var ekki aðeins betri knattspyrnumaður en Pele, heldur hafði hann einnig bæði stærri og skilvirkari æxlunarfæri. Hann notaði líka miklu betra sjampó en Pele.

Óheppilegasta Twitter-auðkenni dagsins

Tweet

Serbneska stúlkan Ana Ivanovic er ekki bara gullfalleg, hún er líka hörkugóð í tennis og er í þrettánda sæti styrkleikalista alþjóða tennissambandsins.

Nærtækasta dæmið um hæfileika Önu, er öruggur sigur hennar á Serenu Williams á opna ástralska meistaramótinu í nótt. Ivanovic hafði ekki unnið eina einustu lotu gegn Williams-vélinni fyrir leikinn í nótt, svo sigur hennar kom talsvert á óvart.

Það er samt pínulítið neyðarlegt að sjá hvernig hún skrifar nafnið sitt á Twitter, blessuð stúlkan. Að minnsta kosti fyrir fólkið sem snýr öllu sem það les upp í óæðri endann á sér. Við biðjumst velvirðingar á því ef þessi ómenning fer fyrir brjóstið á einhverjum lesenda.

Chris Webber ákvað að vera eðlilegur

Tweet

Meistararnir losuðu 12 milljónir á barnum

Tweet

Tvöfaldir meistarar Miami Heat héldu að sjálfssögðu vel upp á sigurinn á San Antonio í lokaúrslitum NBA deildarinnar á fimmtudagskvöldið. Þegar búið var að skvetta öllu kampavíni sem til var í búninngsklefanum langt upp á loft og veggi, var haldið á næturklúbbinn Story (Hótel Sögu).

Þar hélt keyrslan áfram fram undir morgun og rekningurinn á barnum fór yfir tólf milljónir króna. Innifalið í því voru einar 100 flöskur af Domma. Pollrólegt. Eigandi Story gerði sér svo lítið fyrir og reif reikninginn og sagði að veigarnar væru í boði hússins. Alvöru maður.

Hérna eru nokkrar myndir af leikmönnum Miami og viðhengjum á tjúttinu á fimmtudagskvöldið. Þar má sjá leikmenn Heat með rapparanum Digranes-Drake og þá rak Danny Green hjá Spurs inn nefið og heilsaði upp á meistarana.

Neðsta myndin er af Dwyane Wade daginn eftir djammið og ekki laust við að hann virki dálítið timbraður.  Efsta myndin er hinsvegar af Shane Battier og fylgdarliði hans, sem gerði sér heldur betur dagamun og skellti sér á Denny´s til að halda upp á titilinn. Grjótharður nagli sem lifir á brúninni.

Ein góð af Wilt

Tweet

Við giskum á að þessi mynd sé frá leiktíðinni 1968-69 af því Elgin Baylor er á henni líka.
Wilt var einn af frumherjunum í hipsterabransanum auðvitað. Frábær mynd.

Rodman eldri greiðir 700.000 í meðlag

Tweet

Allir þekkja Dennis Rodman, sem á gamalsaldri hefur loksins náð að hitta föður sinn, Philander Rodman. Sá gamli er kominn yfir sjötugt, heldur til á Filippseyjum og er sagður eiga hvorki meira né minna en 29 börn með 16 konum!

Auðvitað eru öll þessi börn einhver komin yfir 18 ára aldurinn, en ef við gefum okkur til gamans að þau væru öll yngri, væri sá gamli ekki að greiða nema 700 þúsund krónur í meðlag á mánuði og tæpar átta og hálfa milljón á ári ef hann væri svo óheppinn að búa á Íslandi.

Þetta er allt saman alveg þræleðlilegt eins og flest í kring um Dennis blessaðan. Ef við setjum þetta í samhengi við körfuboltaferil Dennis Rodman má leiða líkum að því að móðir hans Dennis hafi verið rebound-gella fyrir þann gamla inn á milli barneigna.

Það gat ekki annað verið en að maður sem skilur eftir sig annað eins genahryðjuverk og Dennis Rodman væri nokkuð... tjah, léttur á því.

Connie Hawkins er sjötugur í dag

Tweet

Connie Hawkins var mjög sérstakur leikmaður og einn af fyrstu skemmtikröftum deildarinnar.

Hann var frumherji sem slíkur og í dag er hann hvorki meira né minna en sjötugur.

Hawkins spilaði bæði stöðu miðherja og framherja og var þekktur fyrir að vera mjög kúnstugur með boltann, sem ekki var algengt þegar svo stórir menn voru annars vegar.

Hann hefur alla tíð verið mikil goðsögn og til eru óhemju margar sögur um hæfileika hans og galdrabrögð, en það voru auðvitað ekki allir með myndavél í grillinu 24/7 í þá daga eins og nú.

Ferill Hawkins varð aldrei eins glæstur og vonir hans stóðu til um eftir að hann flæktist í veðmálahneyksli, þó aldrei tækist að sanna eitt eða neitt á hann.

Hann hlaut þó uppreisn æru árið 1992, þegar hann hlaut inngöngu í Heiðurshöllina.

Að sjálfssögðu er til bók um þetta allt saman og við skorum á ykkur að taka Connie Hawkins fyrir næst þegar þið takið NBA 101 og kynnið ykkur sögu leiksins.