Wednesday, January 25, 2012
Tuesday, January 24, 2012
KR er komið með fullt af körfuboltamönnum
KR er allt í einu komið með helvítis helling af vopnum. Svo mörgum að breiddin í liðinu er orðin allt of mikil. Það eru ekki einu sinni til búningar fyrir stráka sem hvaða þjálfari sem er væri til í að hafa í sínum röðum. KR á eftir að verða hööörku lið þegar þessir nýju strákar spila sig inn hjá þeim. Virðast allir þrír vera spilarar.
Það er súrt að koma þessara stórspilara kosti þá sem fyrir voru mínútur og jafnvel búninga, en þeir sem ætla að fara að væla verða að hafa hugfast að þetta er KR sem við erum að tala um. KR er í þessu til að vinna. Það er nóg af veikari liðum þarna úti fyrir menn sem vilja sanna sig og spila margar mínútur. Ljótt að segja þetta, en svona er þetta bara krakkar.
Snæfell var með þennan leik á nokkrum tímapunktum líka. Sérstaklega sárnaði okkur að sjá leikstjórnanda liðsins fara illa að ráði sínu á vítalínunni og í opnum skotum á ögurstundu. En svona er þetta, það er rosalega auðvelt að sitja heima og gagnrýna. Því miður þarf einhver að tapa svona leikjum. Snæfell fær tækifæri til að hefna strax á fimmtudaginn í deildinni. Enginn ætti að missa af því.
Monday, January 23, 2012
Friday, January 20, 2012
Guten ´Tag
Greg Ostertag hefur ákveðið að hætta að leika körfuknattleik í annað sinn á ferlinum eftir stutta endurkomutilraun..Að þessu sinni eru skórnir væntanlega komnir varanlega upp á hillu hjá þessum 38 ára gamla trúð.
Hann treysti sér ekki til að halda áfram að spila af því hann var farið að verkja svo mikið í hnén.
Ostertag hafði gælt við það að reyna að finna sér vinnu í NBA en kunnugir segja að hann hafi staðið sig þokkalega í þeim leikjum sem hann spilaði í D-deildinni.
Það er nefnilega þannig að stórir rulluspilarar geta oft alveg eins spilað í NBA eins og í neðri deildum. Sérstaklega ef þeir hafa reynslu og eru þokkalega að sér í undirstöðuatriðum leiksins.
Þannig var það með Ostertag. Hann tók pláss í teignum, setti hindranir, hirti fráköst og varði eitt og eitt skot.
Nú er hinsvegar ljóst að hann mun ekki gera það í NBA aftur, enda var hann búinn að valda nægum skaða þar á sínum tíma.
Nú er ekkert víst að ´Tag hefði fengið vinnu í NBA ef hann hefði getað haldið áfram í D-deildinni, en það er ekkert útilokað. Það segir okkur ýmislegt um stöðuna á miðherjastöðunni á þessum síðustu og verstu. Ostertag nálægt kommbakki og í nótt stefnir í að Eddy Curry fái smá bruna hjá Miami í fyrsta skipti í guð má vita hvað langan tíma. Ah, að vera hávaxinn.
Thursday, January 19, 2012
Lesendur NBA Ísland styrkja Barnaspítala Hringsins
Tilgangurinn með bolasölunni var ekki aðeins að klæða lesendur síðunnar í falleg föt, heldur lofuðum við að allur hagnaður af bolasölunni færi í gott málefni.
Við tókum þá ákvörðun fyrir jólin að Barnaspítali Hringsins myndi fá að njóta góðs af þessum krónum sem söfnuðust í bolasölunni og nú höfum við komið þeim til skila.
Í stað þess að fara og versla fyrir jólin ákváðum við að bíða fram að útsölum í janúar og óhætt er að segja að það hafi margborgað sig. Keyptir voru tveir stórir kassar af kubbum fyrir mismunandi aldurshópa, stærðarinnar Playmo-spítali og fjórar DVD myndir með fjölbreyttu barnaefni.
NBA Ísland fékk mjög góðar móttökur á Barnaspítalanum. Það var hún Gróa Gunnarsdóttir leikskólakennari sem tók við gjöfunum og skilar hún þakklæti til rausnarlegra lesenda NBA Ísland sem lögðu sitt af mörkum í þessu skemmtilega verkefni.
NBA Ísland þakkar þeim lesendum sem keyptu boli kærlega fyrir þáttökuna. Framlag ykkar skiptir heldur betur máli og á vonandi eftir að gleðja mörg börn í framtíðinni.
Wednesday, January 18, 2012
Álag þýðir aukin meiddi
Álagið á leikmönnum í NBA deildinni er satt best að segja fáránlegt. Og þessi fullyrðing miðast við venjulegt 82 leikja tímabil. Taflan sem hent var upp vegna verkbannsins er einfaldlega geðveiki í sínu tærasta formi.
66 leikir á rúmum 120 dögum og ekkert undirbúningstímabil. Þetta er strax farið að koma niður á leikmönnum. Fjöldi þeirra er í jakkafötunum vegna meiðsla. Það sem er á margan hátt verra er að gæði margra leikja í vetur hafa verið vægast sagt hræðileg.
Fyrst vegna þess að liðin höfðu lítinn sem engan undirbúning og síðar vegna þess að margir leikmenn eru einfaldlega búnir á því. Það er ekkert grín að spila fjórum og fimm sinnum í viku í þremur tímabeltum. Það þyrfti ekki að koma á óvart þó einhver endaði á sjúkrahúsi eftir svona klikkun, kannski bæði með slitið hné og geðveikur.
Hér fyrir neðan má sjá meiðslalista sem ESPN tók saman í kvöld. Hann er fjarri því tæmandi og aðeins til að gefa smá hugmynd um hve illa leiknir menn eru í þessari brjáluðu törn.
Grindvíkingar eru orðnir frekar hrikalegir
Ryan "Robocop" Pettinella hefur ákveðið að snúa aftur í herbúðir Grindvíkinga. Hittir þar fyrir sjálfan J'Nathan "Predator" Bullock sem kallar ekki allt ömmu sína. Okkur er til efs að jafn hrikalega kjötaðir samherjar hafi staðið hlið við hlið í teig á Íslandi fyrr. Ætli þeir muni slást um ellefuna hjá Grindavík? Myndum borga okkur inn til að sjá það.
Tuesday, January 17, 2012
Ofuríþróttamenn eiga stórafmæli
Svo skemmtilega vill til að tveir af bestu íþróttamönnum sögunnar eiga stórafmæli þennan dag.
Skotbakvörðurinn Dwyane Wade hjá Miami er þannig þrítugur í dag og vinsælasti hnefaleikari sögunnar, Muhammad Ali, er sjötugur.
Vel má vera að fleiri frábærir íþróttamenn eigi afmæli þennan dag, en þessir tveir eru ekkert blávatn.
Monday, January 16, 2012
Sunday, January 15, 2012
Saturday, January 14, 2012
Tuesday, January 10, 2012
Fjörutíu ár frá lengstu sigurgöngu sögunnar
Um þessar mundir eru 40 ár síðan Los Angeles Lakers setti met með því að vinna 33 deildarleiki í röð.
Þetta er ekki bara lengsta sigurganga í sögu NBA, heldur sú lengsta í öllum stóru atvinnudeildunum í Bandaríkjunum.
Það var 9. janúar 1972 sem Lakers-liðið tapaði loksins eftir að hafa verið á sigurgöngu í tvo mánuði.
Lakers tapaði þá fyrir meisturum Milwaukee Bucks sem keyrðir voru áfram af þeim Kareem-Abdul Jabbar og Oscar Robertson. Þetta Lakers-lið er af sumum talið það besta í sögu félagsins, enda var þar valinn maður í hverju rúmi. Jerry West, Wilt Chamberlain, Gail Goodrich voru helstu stjörnur liðsins, en þar voru líka menn eins og Pat Riley sem síðar átti eftir að gera Lakers að meisturum sem þjálfari.
Það var nokkuð kaldhæðnislegt að loksins þegar Lakers-liðið undir forystu Jerry West náði að verða meistari, var það þjálfað af Boston manni, Bill Sharman. Sharman var fjórfaldur NBA meistari sem leikmaður hjá Boston og hann innleiddi nýja hugmyndafræði hjá Lakers. Helst munaði þar um að hann fékk Wilt til að kaupa það að einbeita sér að varnarleiknum.
Þegar tímabilið var nýbyrjað urðu miklar breytingar á liði Lakers, því þá ákvað goðsögnin Elgin Baylor að leggja skóna á hilluna vegna meiðsla. Um leið og Baylor hætti byrjaði liðið að vinna hvern leikinn á fætur öðrum.
Menn flugu ekki með einkaflugvélum í þá daga heldur þurftu að sætta sig við að troða löngum löppunum í þröng sæti á almennu farrími flug eftir flug. Þá spiluðu menn líka oft þrjá daga í röð eins og þeir gera nú til að spara tíma eftir verkbannið. Lakers spiluðu fjórum sinnum þrjú kvöld í röð á 33 leikja sigurgöngunni.
Það þarf svo vart að taka fram að Lakers urðu meistarar árið sem þeir tóku þessa metrispu sína, en þeir þurftu svo að bíða í nokkur ár eftir næsta titli, því menn eins og Wilt og West voru komnir á aldur þegar þetta var.
Sannarlega ótrúlegt met, sem óvíst er að verði nokkru sinni slegið.
Subscribe to:
Posts (Atom)