Lesendum NBA Ísland fjölgar nú sem aldrei fyrr og fólk duglegt við að senda okkur tölvupósta með góðum anda. Sumir sem skrifa okkur segjast ekki einu sinni setjast niður og horfa á Strákana Okkar fyrr en þeir hafa lesið dagsskammtinn sinn á NBA Ísland. Það þarf vart að taka fram að þetta gleður okkur hérna á ritstjórninni mikið.Við skorum á nýjustu lesendur að fletta síðunni okkar aftur í tímann og skoða það sem á undan er gengið. Hér hefur margt skemmtilegt verið brallað frá í lok nóvember og ef þið skoðið það, eigið þið líklega auðveldara með að komast inn í andann sem hér ríkir.
Það er kannski ekki langt síðan þessi síða fór í loftið, en þó svo langt að fólk var til dæmis ekki lamið ef það sagði essasú og Ron Artest var að tala um að fá sér koníak í hálfleik. Það er því um að gera að spóla aðeins til baka og skoða gamla stöffið.
Svo er NBA Ísland að sjálfssögðu með síðu á Facebook eins og öll önnur góð fyrirtæki. Þú getur skoðað hana hér og skráð þig í hóp ánægðra lesenda ef þú hefur áhuga. Svo getur þú sent okkur línu með því að smella á hlekkinn "hafa samband" til hægri á síðunni. Þar er einnig að finna dagskránna á nbatv sjónvarpsstöðinni.