Monday, April 4, 2011
Oddaleikur á fimmtudaginn
Þú manst líklega eftir hinum kaldrifjaða og morðóða Anton Chigurh sem leikinn var af Javier Bardem í kvikmyndinni No Country for Old Men. Rosalegt illmenni. Samviskulaus, myndi einhver segja.
Hann er eins og hvít páskakanína við hliðina á Magga Gunn þegar kemur að samviskuleysi (í skotum).
Já við fáum oddaleik í einvígi KR og Keflavíkur. Þvílík himnasending sem það er. Þetta er búin að vera stórkostleg sería og hætt við að verði mjög heitt í kolunum í DHL höllinni á fimmtudaginn.
Allt of langt í leikinn samt. Leikmenn missa taktinn. Og hvað á að segja um Stjörnustráka? Á bara að senda þá til Múrmansk í dítox á meðan verið er að klára undanúrslitin?
Efnisflokkar:
Heimabrugg
,
Keflavík
,
KR
Sunday, April 3, 2011
Saturday, April 2, 2011
Nú er hægt að spila körfubolta sofandi
Hér fyrir neðan sérðu myndbandsstúf sem sannar tvennt.
A: Að það eru of margir leikir í deildakeppninni í NBA (þó við séum ekki að kvarta).
B: Að það er tímabært að leggja Minnesota Timberwolves niður og gera bílastæði úr heimavellinum.
Efnisflokkar:
Dánarfregnir og jarðarfarir
,
Minnesota
Andray Blatche hjá Wizards náði metfjölda lausra körfubolta í námunda við körfu andstæðinga sinna
Hann Andray Blatche bilaðist eitthvað í kvöld. Jafnaði eigið stigamet með 36 stigum og átti einnig sitt besta kvöld í fráköstum með því að rífa niður 19.
Það í sjálfu sér er fínt, en það ótrúlega er að sextán þeirra voru í sókninni.
Sextán!
Það er félagsmet og líklega óvæntasta tölfræðiframlag vetrarins. Og þá er þrennan hans Chuck Hayes um daginn tekin með.
Sjáum að Kevin Love er þarna með Blatche á myndinni. 30/30 leikurinn hans var auðvitað rugl, en honum var trúandi til þess.
Blatche?
Ekki svo mikið.
Efnisflokkar:
Andray Blatche
,
Sælar stelpur
,
Tölfræði
Tían á leið upp í rjáfur í Detroit
Talandi um 1. apríl. Hversu vel er það við hæfi að Detroit Pistons hengi treyju þessa snillings upp í rjáfur einmitt á þessum degi. Lifi Dennis Rodman. Það var kominn tími til að hengja tíuna þarna upp.
Friday, April 1, 2011
Aprílgabb á körfuboltavelli
Rétt eins og til að halda upp á daginn var þriðji leikur KR og Keflavíkur í undanúrslitunum í kvöld ekkert annað en lygilegur.
Það eru forréttindi að fá að horfa á svona leiki. Stemmarinn í DHL höllinni var eins góður og hann verður. Húsið var nánast troðfullt og hávaðinn meiri en við höfum nokkru sinni upplifað í þessu húsi.
Þetta var algjör hágæðaskemmtun frá a til ö. Sveiflur og drama og framlenging. Allt eins og það á að vera í úrslitakeppninni. KR og Kef hata nú ekki dramað eins og þið vitið.
Við verðum að hrósa Keflavík fyrir frammistöðuna í kvöld. Einhver lið hefðu bugast og lagst grátandi í gólfið, en Keflvíkingar sýndu stolt og geta nú gert seríu úr þessu með því að verja heimavöll sinn í næsta leik.
Allir sem hafa áhuga á körfubolta á Íslandi annað hvort mættu í höllina eða horfðu á leikinn á Sportinu. Þið sáuð þetta.
Það er svo rosalega gaman að horfa á svona leiki. Úrslitakeppnin er allt of stutt. Það eru leikir eins og þessi sem fá menn til að nenna að svitna í þessu allan ársins hring. Frábært að fá að minnsta kosti einn leik í viðbót í þessari seríu.
Efnisflokkar:
Heimabrugg
,
Keflavík
,
KR
Subscribe to:
Posts (Atom)

























