Okkur hérna á NBA Ísland þykir ekki annað hægt en að staldra aðeins við og óska öllum þeim sem að vefnum standa til hamingju með daginn.
Karfan hefur staðið sig með miklum ágætum í að færa okkur öllum fréttir af leiknum fallega - oft á tíðum mola sem annars hefðu aldrei ratað í fjölmiðla.
Þá er vefurinn alltaf að vaxa og metnaðurinn að aukast, sem er ekkert annað en merki um þrotlausa vinnu og ástríðu þeirra sem að honum standa. Það er svona hugsjónastarf sem kryddar og bætir tilveru okkar allra daglega og við megum ekki taka því sem sjálfsögðum hlut.
Karfan.is lengi lifi. Húrra, húrra, húrra!