24 stig, 8,6 stoðsendingar, 5 fráköst og 2 stolnir að meðaltali gefa ákveðna mynd af því
Menn eiga það til að gleyma/sleppa Westbrook þegar rætt er um bestu leikstjórnendur í deildinni.
Haldi hann áfram að spila svona, breytist það fljótlega. Westbrook er ekki þessi hefðbundni miðjubakvörður, en mikið fjandi er hann sterkur leikmaður og skemmtilegur á að horfa.
Frammistaða hans í sigri Oklahoma á New Jersey í þríframlengdum þriller í nótt (38 stig, 15 fráköst og 9 stoðsendingar) skemmir ekki málstaðinn. Kevin Durant ætti kannski að taka sér oftar frí.