Þetta vita þeir, af því Dallas liðið tapaði nokkuð óvænt fyrir Milwaukee Bucks á heimavelli í gær og gerði þar með að engu tólf leikja sigurgöngu sína. En hvernig hefur það áhrif á titilvonir Dallas?
Jú, sjáðu til...
Milwaukee stöðvaði frægustu sigurgöngu allra tíma í NBA þegar það stöðvaði ofurlið LA Lakers á 33 leikja sigurgöngu sinni í janúar árið 1972. Það er lengsta sigurganga sögunnar í NBA og Lakers, með þá Chamberlain, West og Goodrich í fararbroddi, landaði titlinum þá um vorið.
En þetta er ekki eina langa sigurgangan sem Milwaukee hefur stöðvað í gegn um tíðina.
Árið 1973 stöðvaði Milwaukee tólf leikja sigurgöngu Boston Celtics, árið 1983 bundu þeir enda á 14 sigurleikja hrinu hjá Philadelphia 76ers og árið 2007 voru þeir enn að verki þegar þeir stöðvuðu San Antonio eftir að liðið hafði unnið þrettán leiki í röð.
Þegar hingað er komið í færslunni ertu væntanlega búinn að leggja saman tvo og tvo og átta þig á því að öll þessi lið sem enduðu sigurgöngur sínar gegn Bucks unnu meistaratitilinn vorið eftir.