Tuesday, June 10, 2014
Friday, June 6, 2014
Handahófskenndir molar úr sögu NBA
Litháinn skemmtilegi Šarūnas Marčiulionis verður fimmtugur þann 13. júní næstkomandi. Hann var stundum kallaður Rooney, sem er stórkostlegt. Hann kom ekki inn í NBA deildina fyrr en 25 ára gamall og lék megnið af ferlinum hjá Don Nelson og félögum í Warriors. Hann átti best 19 stig í leik. Skaut yfir 50% á ferlinum og 37% fyrir utan. Svalur skorari og einn besti evrópski leikmaður sinnar kynslóðar.
Talandi um kynslóðir. Walt "Clyde" Frazier er svægasti leikmaður í sögu NBA deildarinnar og tvímælalaust einn besti bakvörður sinnar kynslóðar. Flestir þekkja hann í dag sem aðstoðarlýsanda á Knicks-leikjum, en fáir stóðust honum snúning þegar hann var upp á sitt besta fyrir 40 árum.
Efnisflokkar:
Alex English
,
Charles Barkley
,
Dennis Rodman
,
Fret úr fortíðinni
,
Glen Rice
,
Klassík
,
NBA 101
,
Orðræður
,
Scottie Pippen
,
Sögubækur
,
Walt Frazier
,
Wilt Chamberlain
Floppandi fífl
Efnisflokkar:
Drullan upp á herðar
,
Hægðaheilar
,
Hatorade
,
Leikaraskapur
,
Tiago Splitter
,
Undirmálsmenn
,
Úrslitakeppni 2014
San Antonio vann fyrsta leikinn í úrslitunum
Segja má að San Antonio hafi stolið fyrsta leiknum í Miami í fyrra, þar sem Tony Parker skoraði sögulega sigurkörfu í lokin. Í kvöld þurfti engan hetjuskap í lokin, því eftir hnífjafna þrjá leikhluta, fór San Antonio hamförum í fjórða leikhlutanum (36-17) og vann öruggan 110-95 sigur. Það er svo fjandi erfitt að vinna lið sem skjóta 14 af 16 í fjórða leikhluta og 6-6 í þristum. Miami fékk að kynnast því í nótt.
Ef þú heldur áfram að lesa þetta, færðu að vita meira um þennan leik og sjá slatta af myndum frá honum líka. Það væri nú ekki leiðinlegt, ha?
Ef þú heldur áfram að lesa þetta, færðu að vita meira um þennan leik og sjá slatta af myndum frá honum líka. Það væri nú ekki leiðinlegt, ha?
Efnisflokkar:
Danny Green
,
Heat
,
LeBron James
,
Lokaúrslit
,
Spurs
,
Úrslitakeppni 2014
Thursday, June 5, 2014
Á þessum degi fyriri 23 árum
Því ekki að minnast sögufrægrar körfu Michael Jordan gegn Los Angeles Lakers í lokaúrslitunum árið 1991 á 23 ára afmælisdegi hennar? Hvort sem þessi tilþrif eldast vel eður ei, muna eflaust allir vel eftir þeim. Við munum að minnsta kosti alveg eins vel eftir þessum tilþrifum og þristinum sem Ray Allen setti á San Antonio í lokaúrslitunum fyrir ári. Svona er körfuboltinn dásamlegur.
Efnisflokkar:
Fret úr fortíðinni
,
Michael Jordan
,
NBA 101
,
Sögubækur
Veislan hefst í kvöld
Jæja elskurnar. Þá er stórhátíðin loksins að byrja. Í kvöld fer fram fyrsti leikur San Antonio Spurs og Miami Heat í lokaúrslitaeinvígi NBA deildarinnar. Þegar svona veisla er að byrja, er eins gott að allir viti hvert þeir eiga að snúa sér og hvenær, ætli þeir sér að taka þátt í gleðinni.
Allir leikirnir í úrslitaeinvíginu verða sýndir í beinni útsendingu á Stöð 2 Sport eins og alltaf. Í ár verður smá bónus, því þá verður 30 mínútna upphitun fyrir hvern einasta leik. Fyrsti leikurinn í einvíginu hefst sem fyrr segir í nótt klukkan eitt, en þá hefst bein útsending klukkan 00:30. Sýnd verða viðtöl við leikmenn, farið yfir tölfræði og tilþrif úr fyrri leikjum svo eitthvað sé nefnt.
Hérna fyrir neðan er svo dagskráin í úrslitaeinvíginu. Liðið sem fyrr vinnur fjóra leiki verður NBA meistari. Góða skemmtun.
5. júní, leikur 1 í San Antonio kl. 1:00
8. júní, leikur 2 í San Antonio kl. 0:00
10. júní, leikur 3 í Miami kl. 1:00
12. júní, leikur 4 í Miami kl. 1:00
15. júní, leikur 5 í San Antonio kl. 0:00*
17 júní, leikur 6 í Miami kl. 1:00*
20. júní, leikur 7 í San Antonio kl. 1:00*
* - ef þarf
Munið að útsending hefst hálftíma fyrir auglýstan leiktíma öll kvöldin.
Efnisflokkar:
Dagskrá
,
Úrslitakeppni 2014
Wednesday, June 4, 2014
Hlaðvarp NBA Ísland - 25. þáttur
NBA Ísland fékk annan góðan mann til að spá í spilin fyrir lokaúrslitaeinvígi San Antonio og Miami sem hefst á fimmtudagskvöldið. Snorri Örn Arnaldsson hjá Stjörnunni ræðir möguleika liðanna og skákina sem framundan er hjá þjálfurunum, en svo er góðum tíma varið í að meta möguleika liða eins og Oklahoma, LA Clippers og Indiana í framtíðinni. Smelltu hér til að fara inn á hlaðvarpssíðuna og ná í þáttinn.
Efnisflokkar:
Hlaðvarpið
,
Úrslitakeppni 2014
Tuesday, June 3, 2014
NBA Ísland skoðar framtíðarhorfur Oklahoma City
Hvað eiga þeir Thabo Sefolosha, Kendrick Perkins, Steven Adams, Jeremy Lamb og Derek Fisher sameiginlegt - fyrir utan þá augljósu staðreynd að þeir spila allir með Oklahoma City?
Gott, gott, nokkur ykkar svöruðu; "þeir eru ekki nógu góðir!" - það er skondið svar og í sjálfu sér ekki vitlaust. En við vorum að leita að nákvæmara svari og hér er það:
Þeir skoruðu allir þrjú stig að meðaltali í leik í úrslitakeppninni. Þrjú komma eitthvað...
Efnisflokkar:
Thunder
,
Úrslitakeppni 2014
Nýtt hlaðvarp
Í 24. þætti hlaðvarps NBA Ísland situr Kjartan Atli Kjartansson aðstoðarþjálfari Stjörnunnar fyrir svörum. Farið er yfir víðan völl og á meðal umræðupunkta má nefna Russell Westbrook, Lance Stephenson, Oklahoma City, Indiana Pacers og svo er auðvitað spáð í spilin fyrir úrslitaeinvígi San Antonio og Miami sem hefst á fimmtudagskvöldið. Smelltu hérna til að fara á hlaðvarpssíðuna ef þú ratar ekki á hana.
Efnisflokkar:
Hlaðvarpið
,
Kjartan Atli Kjartansson
,
Úrslitakeppni 2014
Saturday, May 31, 2014
Formsatriðin eru að baki hjá Miami
Vel gert, Miami. Það tók liðið fimmtán leiki að tryggja sér sæti í lokaúrslitunum og það er bara nokkuð flott. Liðið kláraði Indiana 117-92 í sjötta leiknum í nótt.
Leikurinn var spennandi í einhverjar fimm mínútur, en það varð fljótlega ljóst að flestir leikmanna Indiana hefðu alveg eins getað verið heima hjá sér. Margir þeirra höfðu hvorki kjark né nennu í sjötta leikinn, enda létu þeir gjörsamlega drulla yfir sig.

Ef þú hefðir sagt okkur að Miami ætti eftir að tapa þremur leikjum í úrslitakeppni Austurdeildarinnar í vor, hefðum við alveg trúað þér, en við hefðum líka alveg trúað Miami til að tapa fleiri leikjum á þessari leið.
Það er nefnilega löngu komið í ljós að Miami gerir oft bara það sem það þarf nauðsynlega að gera.
Það er ekki beint liðið sem hakkar andstæðinga sína, ekki nema ruslið í fyrstu umferðunum.
Efnisflokkar:
Blástur
,
Drullan upp á herðar
,
Heat
,
Pacers
,
Úrslitakeppni 2014
Friday, May 30, 2014
Fastir liðir hjá Spurs og OKC
Einhver varð að vinna þennan leik. Því ekki Spurs? Af hverju að breyta út af vananum? Því ekki að fá bara heimasigur með 700 stigum eins og tíðkast hefur í þessu einvígi?
Ok, San Antonio vann kannski ekki með 700 stigum, það var meira svona 117-89, en það hefði alveg eins getað verið 700 stiga munur á liðunum - slíkir voru yfirburðir San Antonio gegn Oklahoma í fimmta leik liðanna í Texas í nótt.
Efnisflokkar:
Spurs
,
Thunder
,
Úrslitakeppni 2014
Myndir af troðslunni hans Russ
Efnisflokkar:
Russ gonna Russ
,
Russell Westbrook
,
Tilþrif
,
Veðrið þarna uppi
Wednesday, May 28, 2014
Óvísindalegir tölfræðimolar úr úrslitakeppninni
Það er nákvæmlega engin hefð fyrir því að staldra við og skoða tölfræði leikmanna í miðri úrslitakeppni. Ástæðan er auðvitað ólíkar skammtastærðir - það er kannski ekki alveg lógík í því að bera saman menn sem spilað hafa sjö eða sautján leiki í úrslitakeppninni. Við gefum skít í þetta. Okkur langar að skoða aðeins tölfræðina og pæla dálítið í því hvaða menn hafa verið að standa sig vel í úrslitakeppninni og hverjir ekki. Það ætti ekki að særa neinn... hmmm, ha?
Ætli sé ekki best að klára það bara frá að dásama Russell Westbrook. Þið vitið hvað við elskum hann Russ. En hafið þið spáð aðeins í tölfræðina sem drengurinn er að bjóða upp á í úrslitakeppninni í vor? Hún er svo rosaleg að hún er líklega sú fallegasta í úrslitakeppninni í dag.
Svona að öllu gríni slepptu, eru þetta ekki bara tölurnar. Hvað eru margir leikmenn búnir að spila betur en Westbrook í úrslitakeppninni?
Fullt af þeim, segja hatursmenn Russ. Það eru mennirnir sem sjá ekki annað en Vonda Russ - gaurinn sem tekur hræðileg skot, fær dæmda á sig ruðninga og kastar boltanum upp í stúku í staðinn fyrir að gefa hann á manninn við hliðina á sér.
Við erum alltaf að rífast við hatursmenn Russ, en margir þeirra fatta ekki ennþá að það er löngu, löngu, löngu orðið bæði þreytt og hallærislegt að dissa Russ. Það myndu allir vilja hafa Russ í sínu liði - mann eins og Russ - gaur sem er alltaf á útopnu, hræðist ekkert og berst til síðasta manns.
Efnisflokkar:
Chris Bosh
,
George Hill
,
Kevin Durant
,
LeBron James
,
Paul George
,
Roy Hibbert
,
Russ gonna Russ
,
Russell Westbrook
,
Svægi
,
Taktu þér tak drengur!
,
Tölfræði
,
Úrslitakeppni 2014
Oklahoma jafnaði metin gegn San Antonio
Gallinn er bara sá að Oklahoma er ekkert auðveldara við að eiga núna en þá. Það er vonlaust að eiga við þessa brjálæðinga og alla þessa lengd, þennan hraða, þennan kraft og þessar ungu hendur og fætur út um allt. Oklahoma er búið að jafna metin í 2-2 í einvíginu við San Antonio árið 2014, eftir öruggan 105-92 sigur í leik fjögur í nótt.
Efnisflokkar:
Russell Westbrook
,
Serge Ibaka
,
Spurs
,
Thunder
,
Úrslitakeppni 2014
Tuesday, May 27, 2014
Miami er komið með annan fótinn í úrslit
Miami sá til þess að Indiana sá aldrei til sólar í nótt þegar það komst í 3-1 í einvíginu með 102-90 sigri á heimavelli sínum í fjórða leiknum. Rúmlega 96 af 100 liðum sem komast í 3-1 í sjö leikja seríum ná að klára þær. Eins og staðan er núna, er Indiana ekki sérlega líklegt til að verða eitt af liðunum sem nær að bjarga sér úr slíkri krísu.

Indiana vann fyrsta leikinn af því Miami leyfði það, en síðan hafa meistararnir verið með yfirhöndina þegar þeir þurfa á því að halda - í lok leikjanna.
Það var líka fín hugmynd hjá Lance Stephenson að halda áfram að rífa kjaft við LeBron James og Dwyane Wade í fjölmiðlum. Það er alltaf hægt að skipta um nærbuxur ef maður drullar á sig. Eða þannig virðist það vera hjá Lance, sem þó verður að fá kúdós fyrir að halda þessu einvigi alltaf áhugaverðu hvað sem aðrir segja eða gera.
Spennan í fjórða leiknum varð aldrei mikil og okkur þykir ljóst að Miami sé að fara að vinna það 4-1 eða 4-2, svona ef við leyfum okkur að fara fram úr okkur eins og fólk gerir á internetinu árið 2014. Það sem hér fer á eftir er því hæperbóla og ótímabærar hugsanir handa þér.
Eins og venjulega, hafa meistarar Miami legið undir gagnrýni í þessari úrslitakeppni.
Efnisflokkar:
Heat
,
LeBron James
,
Pacers
,
Roy Hibbert
,
Úrslitakeppni 2014
Subscribe to:
Posts (Atom)



















