Friday, February 8, 2013

Ilmurinn af rósunum


Sumir halda að við búum við körfuboltakreppu um þessar mundir - og það er sumpart satt - leikurinn er að breytast mikið og miðherjar eins og við þekktum þá heyra nánast sögunni til. Háskólaboltinn er drasl og alvöru leikmönnum sem koma fram á sjónarsviðið á síðustu árum fer fækkandi - nýliðavalið færir liðum 2-3 leikmenn sem skipta máli og restin er í besta falli rulluspilarar.

Ef þú eyðir öllum þínum tíma í að velta þér upp úr því - og þeirri staðreynd að Michael Jordan og Hakeem Olajuwon eru hættir - ertu að missa af plottinu.

Sjáðu:



Þessir tveir leikmenn eru tveir af bestu körfuboltamönnum allra tíma - og þeir eru í sama liði - og þeir eru besta tvíeyki í NBA deildinni í dag.

Þeir gera hluti á borð við þessa sem þú sérð í myndbrotinu fyrir ofan stundum leik eftir leik. Og það er sannarlega ekki gefið að verða vitni að því.

Við hvetjum fólk til að gefa þessu gaum, staldra við og finna ilminn af rósunum, ef svo má segja.

Þessi tilþrif verða spiluð í NBA-stiklum eftir 20 ár og þá átt þú eftir að hugsa með þér hvað þeir hafi nú verið helvíti góðir og monta þig af því við syni þína og frændur að þú hafir nú horft á þá leika listir sínar leik eftir leik - þeir hafi nú verið betri en þessir pappakassar sem eru að spila í dag!

Wednesday, February 6, 2013

Sirkus Gallo


Stjörnu-geggjaður sjónvarpslýsandi Denver Nuggets vildi þegar mest lét meina að þetta væri karfa aldarinnar hjá Danilo Gallinari. Það er auðvitað algjört kjaftæði, en það leynir sér ekki að Ítalinn skemmtilegi hefur verið duglegur að fara með bænirnar sínar undanfarið.

Ætli leikmenn Denver hafi ekki allir verið duglegir að biðja. Liðið hefur unnið sjö leiki í röð og þrettán af fimmtán. Megnið af þessum leikjum eru á erfiðum heimavelli þeirra í þunna loftinu, enda var kominn tími á að þetta blessaða lið fengi nokkra heimaleiki eftir sífelld ferðalög í upphafi leiktíðar.



Rólegur, Kobe

























Treyjur tíunda áratugarins


Það var vintage kvöld hjá Bucks í kvöld. Við vorum búin að vara ykkur við því að eitthvað svona yrði uppi á teningnum í NBA í vetur, en þá plana nokkur lið að fara niður í geymslu og ná í 90´s búningana sína. Í sumum tilvikum er þetta ekki tilhlökkunarefni hjá leikmönnum, enda útlitið á búningunum mjög misjafnt. Hvað finnst þér til dæmis um þessa?


Tuesday, February 5, 2013

Photoshopeinvígi með Goran Dragic


Hér eru myndirnar sem Hörður Tulinius sendi inn.
Þeir Baldur og Hörður voru ekkert búnir að ræða sérstaklega hvað ætti að gera fyrir einvígið, en svo skemmtilega vildi til að þeir gerðu báðir fjórar myndir og tvær þeirra voru með sama þema (breikið og skeitið).






Photoshopeinvígi með Goran Dragic


Hér eru myndir Baldurs Beck:







Spendýr



Tæknivilla á dómarann




Öfgafullar dansæfingar dómara á borð við þessar ættu aldrei að sjást á körfuboltavelli. Leikmenn fá tæknivillur og háar fjársektir ef þeir baða út höndunum með þessum hætti. Hér er dómarinn að haga sér eins og fífl - alveg eins og fáráðurinn sem hann var að reka af velli. Lítill munur á þessu í okkar augum.


Hugleiðing



Rod Strickland spilaði einu sinni körfubolta


Já, þetta er Rod Strickland. Frábær leikmaður á sínum tíma, en virðist þó aldrei hafa lært listina að vera leikstjórnandi fullkomlega, því það heyrði til undantekninga ef hann spilaði með sama liðinu tvö ár í röð.

Við munum eftir Strikland spila með Portland, New York og San Antonio á fyrstu árum hans í deildinni og það sem við sáum til hans, spilaði hann mjög vel. Hann var að skila þetta 18-19 stigum og um níu stoðsendingum þegar hann var upp á sitt besta.

Skondið að hugsa til þess að leikmennirnir sem orðið hafa stoðsendingakóngar í NBA deildinni frá árinu 1999 eru allir enn að spila í deildinni, en sá sem hreppti titilinn árið 1998 var einmitt Rod Strickland. Það var í eina skiptið sem hann hlaut þennan heiður.

Árið á undan var það Mark Jackson þjálfari Golden State og árin níu í röð þar á undan var það John Stockton sem átti þennan tölfræðiflokk.

Af hverju fórum við allt í einu að hugsa um Rod Strickland, spyrðu?

Af því það er ennþá maður að spila í NBA deildinni í dag sem spilaði með Rod Strickland á sínum tíma, sem er nokkuð magnað ef þú pælir í því.

Og jú, af því Strickland er guðfaðir Kyrie Irving, besta tvítuga körfuboltamannsins í sólkerfinu.

Áður en þú rífur á þér hausinn við að komast að því hvaða leikmaður það er sem spilaði með Rod Strickland á sínum tíma og er enn að spila í dag, er líklega best að segja þér það.

Það er Mike James, sem nú er meira að segja að fá mínútur hjá Dallas.

Kíktu á ferilinn hans, hann er ekki síður skrautlegur og ferill Strickland. Hann hefur aldrei haft tíma til að verða leiður á skápnum sínum.

Svona gerist þegar sá sem er á vaktinni hjá NBA Ísland það kvöldið byrjar að skrifa það sem hann er að hugsa. Lítið við því að gera.

Það besta við Ofurskálina 2013















































Það var ekkert.

Sunday, February 3, 2013

Þegar Iverson hitti Sharapovu


Allen Iverson var einhverra hluta vegna meðal áhorfenda á Opna Kínverska meistaramótinu í tennis í haust. Ekki spyrja okkur af hverju. Það er ekki hægt að segja annað en að strákurinn líti bara vel út, þrátt fyrir að hafa verið í bullandi vandræðum í einkalífinu síðan hann hætti að spila í NBA.


Ekkert að því að fá að pósa með Mariu Sharapovu, sama hvort þú heitir Allen Iverson eða Paul Allen. Eins og við höfum margoft sagt ykkur frá, er Sharapova með afleitan smekk á karlmönnum, en hún tók reyndar skref í rétta átt í fyrravor þegar hún sleit trúlofun sinni við Sasha Vujacic - fyrrum gagnslausan leikmann Los Angeles Lakers.

Deron Williams og ungfrú Ameríka






















Deron Williams, leikstjórnandi Brooklyn Nets, var svo heppinn að fá að leiða Ungfrú Ameríku 2013 inn á gólfið þar sem hún bað ekki aðeins um heimsfrið, heldur söng sjálfan þjóðsönginn i leiðinni. Þessi huggulega dama heitir Mallory Hagan.

Joakim Noah á ströndinni





Þegar Brandon hitti Tyson


Brandon Jennings, leikstjórnandi Milwaukee Bucks, setti þessa skemmtilegu mynd inn á Twitter í nótt. Fyrri myndin sýnir hvar hann er að hitta Tyson Chandler sem ungur og grindhoraður væskill með stjörnur í augunum. Á þeirri síðari er hann búinn að kjöta sig aðeins upp og er farinn að spila á móti Chandler í bestu deild í heimi. Skondið.


Kyrie Irving lokar OKC...


... og sjónvarpsþulir Cavaliers fara gjörsamlega á límingunum - sérstaklega Austin Carr - sem hefur ekki verið búinn að drekka nema svona hálfa viskíflösku fyrir útsendinguna.


Saturday, February 2, 2013