Við skorum á ykkur að finna meiri hæðarmun á bakvörðum í NBA deildinni. Það er mjög sennilega ekki hægt, því hér er á ferðinni lægsti leikmaður í sögu deildarinnar á móti einum af þeim hærri sem spilað hafa leikstöðuna.
Tyrone "Muggsy" Bogues (160 sm) leikstjórnandi Charlotte Hornets, brunar hér fram hjá Earvin "Magic" Johnson (206 sm) hjá Los Angeles Lakers á fyrstu árum tíunda áratugar síðustu aldar. Þetta eru 46 sentimetrar ef stærðfræðin svíkur okkur ekki. Þetta telur, enda skiptust þeir á að fara illa hvor með annan á sitt hvorum enda vallarins, þá sjaldan að þeir dekkuðu hvor annan.
