Aumingja Oden

Tweet

Við erum enn að reyna að ná okkur eftir tíðindi gærkvöldsins. Greg Oden þarf í aðra hnéaðgerð og kemur ekkert við sögu hjá Portland í vetur. Þetta er hætt að vera fyndið, þó við komum eflaust til með að gera grín að þessu. Aumingja strákurinn.

Hversu súrt er að við skulum hafa birt skopmynd af honum hér á síðunni nokkrum klukkustundum áður en tilkynnt var að hann væri úr leik í vetur?

Það verður eflaust gerð kvikmynd um raunarsögu Greg Oden einn daginn. Barátta James Earl Jones og Morgan Freeman um aðalhlutverkið á eftir að verða mjög hörð. Hver veit nema Oden sjálfum verði svo boðið að leika Elijah Price í Unbreakable II.

Það þýðir ekkert að missa móðinn þó maður sé samningslaus og búinn að spila 82 leiki á þremur árum. Hann hefur þó alltaf sönginn.