LeBron James treystir félögum sínum til að spila körfubolta

Tweet

Gaman að sjá LeBron James og Kevin Durant læsa hornum í gær. James spilaði stóra rullu í lokin eins og venjulega og stal senunni með fallegri blokkeringu í krönsinu. Eins og sjá má á myndskeiðinu hér fyrir neðan fékk Cleveland líka hetjuskap úr óvæntri átt þegar Daniel Gibson lagði grunninn að sigrinum með stórum þrist undir lokin.

Það er ekki dónalegt að eiga þriðja leikstjórnanda sem setur niður svona skot. Gibson hafði ekki verið í byrjunarliðinu hjá Cleveland síðan árið 2007, en takið eftir því hvað LeBron hikar ekki við að senda á hann á ögurstundu. Það finnst okkur segja mikið um James - að hann skuli treysta þessum manni fyrir þessu skoti á þessum tímapunkti. Spurning hvort Kobe Bryant hefði t.d. treyst Adam Morrison í sömu stöðu.