Það að róta í hausnum á Ron Artest, er eins og að róta í kerfinu á Íslandi. Þú veist að það er fullt af skít og það er bara tímaspursmál hvenær hann springur í andlitið á þér.Tvær stéttir manna láta sér fátt um finnast við þessar aðstæður, enda öllu vanar. Píparar og blaðamenn.
Steve Greenberg á Sporting News er líklega bæði. Stórkostlegt viðtal hans við Ron Artest hefur farið sem eldur í sinu um netheima í dag, með fyrirsjáanlegu fjaðrafoki.
Þar segist Artest stundum hafa hresst sig við með því að fá sér Konna í hálfleik þegar hann spilaði með Chicago Bulls á árum áður. Þá segir hann að Hallaruppþotið fræga í Detroit hafi ekki verið sér að kenna.
Sniðugt hjá þeim að geyma þennan mola á lager og kasta honum fram þegar Iverson var búinn að skrifa undir.