Þeim brá heldur betur í brún skipverjum á færeyska togaranum Rannvá av Reyni í gær þegar þeir sáu einkennilegan hlut á floti í Barentshafinu.Togarinn var að leita að kolmunna um sjötíu sjómílur suðaustur af Svalbarða þegar hann sigldi fram á skot sem Monta Ellis líkaði ekki við. Þykja það enda tíðindi þegar slíkt hendir leikstjórnandann knáa.
"Svona á miðað við spilamennsku liðsins, meiðslavandræði og fjarveru Don Nelson undanfarið, hefði maður ekki átt von á að sjá skot sem Monta Ellis líkaði ekki við," sagði Sjúrður í Skála, annar stýrimaður á Rannvá í samtali við NBA Ísland."Maður sá greinilega að þetta skot hefur ekki verið búið að vera lengi á floti þarna í sjónum og það gerir þetta enn merkilegra," bætti Sjúrður við.
Þetta er raunar ekki í fyrsta sinn í vetur sem furðuhlutir finnast í Barentshafi, því í október flæktist vel ígrundað þriggja stiga skot frá Rasheed Wallace í veiðarfærum togara frá Grænlandi á svipuðum slóðum.