Nú höfum við ekki hugmynd um hvort strákarnir á NBA TV eru menn sem standa við orð sín og auglýsingar, en þeir eru að lofa því að hafa tvíhöfða í beinni á stöðinni þetta þriðjudagskvöldið.
Það væru þá leikir Charlotte-Chicago á miðnætti og svo skotkeppni milli Sacramento og Phoenix klukkan þrjú. Á miðvikudagskvöldið á svo að bjóða upp á viðureign Orlando og Toronto klukkan tólf á miðnætti.
Okkur þótti rétt að segja ykkur frá þessu af því janúardagskráin er enn ekki klár eins og við lofuðum víst um helgina. Þetta hlýtur að fara að skila sér. Við látum ykkur vita þegar dagskráin verður aftur komin inn á tengilinn hérna hægra megin á síðunni.
En gangi þér og þínum allt í haginn í dag - hvað sem gerist nú á Álftanesinu.