Carmelo Anthony skoraði 62 stig í sigri New York á Charlotte á föstudagskvöldið og fyrir vikið eru menn farnir að tala um að hann sé að hitna. Svo hirti hann meira að segja 20 fráköst í leik um daginn.
En Kevin Durant er líka sæmilega heitur um þessar mundir. Svo heitur að við ákváðum að bera þá félaga saman - athuga hvað þeir eru búnir að vera að gera í síðustu fimm leikjum. Þessi athugun segir ekkert stórmerkilegt, við ætlum ekki að halda því fram. Það er bara skondið að skoða tölur. Alltaf.
