Miami þarf klárlega meiri tíma til að verða lið en hafa ber í huga að þegar Boston-liðið var sett saman á sínum tíma - vann það nánast hvern einasta leik frá byrjun.
Það væri auðvelt að skjóta hressilega á Sólstrandargæjana núna en við ætlum að bíða aðeins með það.
Miami getur alltaf komið til baka í hvaða leik sem er með þennan mannskap. Þetta er samt ekkert rosalega sannfærandi hjá þeim enn sem komið er.
Lakers og Celtics eru LANGbestu liðin í NBA í dag. Það er ekkert öðruvísi núna en í júní. Kæmi okkur núll á óvart að sjá liðin aftur í finals næsta sumar. En við eigum sem betur fer eftir að sjá alveg helling af körfubolta áður en að því kemur.