Wednesday, January 20, 2010

Lesendum fjölgar hratt á NBA Ísland

























Orðstír þessa vefsvæðis breiðist hratt út og þó við séum ekki beinlínis hissa á því, höfum við gaman af því. Í dag bættist heimasíða körfuknattleikssambandsins í hóp miðla sem vakið hafa athygli á skrifum okkar.

Áður höfðu karfan.is og vísir.is sagt frá því hvað NBA Ísland væri stórkostlegt vefsvæði.  Við erum alltaf að bíða eftir því að mogginn.is og ríkisútvarpallralandsmanna hafi samband.

Þá er rétt að geta þess að við erum enn mjög upp með okkur yfir öllum tölvubréfunum sem okkur hafa borist frá því síðan tók flugið í byrjun desember og þar til nú, þegar flettingar skipta tugþúsundum.

Fólk hefur verið ákaflega duglegt að skrifa okkur frá ótrúlegustu stöðum og lýsa yfir ánægju sinni með verk okkar. Þetta kunnum við að meta. Haldið endilega áfram að fylgjast með og láta í ykkur heyra. Kærar þakkir.